[名人愛情錄] 林海峰「高價入市」彭羚

彭羚喺90年代係當紅歌手，大家估唔到佢嫁俾林海峰之後，喺樂壇退出得咁徹底。難怪林海峰話佢賺咗：「我好抵，當日雖然係『高價入市』，但佢而家打理屋企妥妥當當，完全係保值，我打算由大總管升佢做CEO。」 

林海峰當年對彭羚一見鍾情，喺TVB化妝間第一眼望到佢時，第一秒就諗到「呢個就係」。雖然林海峰都好出名，但90年代天后級歌手收入豐厚，當時佢地事業有一定距離，但林海峰最後都憑誠意打動女方。當時郭富城同彭羚合錄《戀愛二分一》，林海峰成日去探班，最後二人開始撻著。拍拖時，林海峰經常「公器私用」，喺節目中不停播彭羚嘅歌表達愛意。佢地成日喺廣播道拍拖，當年佢地未結婚，彭羚已俾人叫做「商台家嫂」。

好多人以為林海峰為咗私有化彭羚，要對方急流勇退，但其實退出樂壇係彭羚決定嘅。因為有咗大女，彭羚唔想錯過同女女相處嘅日子，最後家庭與事業之間，佢選擇咗家庭。而家兩個女女已經長大，佢地兩夫婦成日俾人影到去拍拖，知道彭羚鍾意運動，林海峰訂咗套器械喺屋企整咗間健身房，俾彭羚可以每日喺屋企做運動，錫哂老婆～

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: Kahlen電影推介—《收錯愛情風》
下一篇Speed Dating單身資訊: [名人愛情錄] 李克勤娶得港姐秘訣