[名人愛情錄] 李克勤娶得港姐秘訣 | Speed Dating Federation 香港交友約會業總會

[名人愛情錄] 李克勤娶得港姐秘訣 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-12-16 13:11:52

[名人愛情錄] 李克勤娶得港姐秘訣

娛樂圈中,每次提到恩愛夫妻,李克勤同盧淑儀呢對往往榜上有名。二人感情長達近30年,李克勤一直冇其他緋聞,而盧淑儀則人如其名,一直喺佢背後做賢妻。

盧淑儀1992年參加香港小姐競選,當時李克勤做司儀,問答環節中盧淑儀即場演唱李克勤名曲《紅日》,令李克勤為之心動。當年盧淑儀成為「三料港姐」,成為冠軍之餘,仲拎埋最上鏡小姐以及二十周年金輝大獎。完咗比賽,李克勤就開始展開強烈攻勢,為佢寫咗情歌《妳是我的太陽》,歌詞好肉麻,指自己每次見到佢都會忘形同緊張,又指對方好似月亮同太陽,會話佢知方向。盧淑儀當然大受感動,聽完就同李克勤正式拍拖。好多時香港小姐卸任後都會開始拍劇,但盧淑儀戀愛大過天,卸任後就決定退出娛樂圈,做男方「背後的女人」。

1995年,李克勤歌唱事業陷入低潮,又同唱片公司有合約糾紛,盧淑儀依然對佢不離不棄,更公開喺台上向李克勤表示愛意同支持。2006年二人終拉埋天窗,至今有兩個小朋友,盧淑儀曾經話過:「好開心嫁畀呢個好老公,嫁畀你係我嘅驕傲!」因為李克勤冇同其他女人傳緋聞,事事又以太太為先,平日出席活動,打扮都會問及太太意見。盧淑儀又試過公開同fans講:「妳情願男朋友陪買衫shopping,定還是唔陪妳但埋單?李克勤兩樣都做齊。」

除咗《妳是我的太陽》,李克勤之後都多次以盧淑儀為題材,演繹出《在我身邊》、《當找到你》、《依依不捨》、《尋最》、《飛花》、《三千零一夜》、《十年前後》、《我不會唱歌》、《婚前的女人》等情歌,用歌聲當眾示愛。另一方面,盧淑儀成日陪李克勤周圍去,包括出席好朋友飯局、睇圈中好友演唱會、到世界各地觀睇足球比賽等。佢地仲成日趁囝囝夜晚8點瞓著以後,約好友去打羽毛球到深夜,好識搵樂趣。

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇Speed Dating單身資訊: [名人愛情錄] 林海峰「高價入市」彭羚
下一篇Speed Dating單身資訊: [名人愛情錄] Coffee 以行動證明愛情