【現代紅娘每週大爆料 ​​​】聖誕節應該送乜?應不應該向心儀對象送禮物? | Speed Dating Federation 香港交友約會業總會

【現代紅娘每週大爆料 ​​​】聖誕節應該送乜?應不應該向心儀對象送禮物? 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-12-23 14:48:46

【現代紅娘每週大爆料 ​​​】聖誕節應該送乜?應不應該向心儀對象送禮物?

聖誕節就到,唔知大家會唔會為買咩聖誕禮物又或應唔應送禮物感到頭痕?今次HK Romance Dating創辦人Anita會以個人心得,向各情侶、單身人士或Speed Dating客人作出建議~

如果你係單身人士,其實唔好太刻意問心儀對象想唔想親手拎你份禮物,因為如果對方對你冇意思,係會感到好大壓力的。你只需問對方得唔得閒約會,如果佢正日唔得閒,對你有好感的話依然會安排第二個日子見你。相反若你見對方推三推四,都知對方對你冇乜意思,就唔使刻意買禮物了,之後只做普通朋友已可。

若然對方願意赴會,你就可花花心思,通常女仔都會期待收到禮物,你可考慮送小首飾,唔使貴,夠靚已經可以了。另外都可考慮送手工藝品,未必要自己親手做的,可挑選精緻甚或有香味嘅,為大家製造美好回憶,香水都係個唔錯嘅選擇。

至於女士們,你地唔使太緊張,男士唔算好看重禮物,你手整曲奇或cup cakes俾對方,佢已經會好開心了。只係唔好買衫鞋之類太貼身用品,怕佢唔啱身。不論男女,都可以留意下對方最近需要咩,再送相關禮物表心意。

情侶們又使唔使送禮呢,熱戀中嘅當然要,但若去到老夫老妻階段,都好應該製造驚喜俾對方,為愛情保鮮。平時大家應多留意伴侶所需,再送相關禮物。希望大家聽完以上意見,都可以過個甜蜜聖誕,聖誕快樂啊!

資料來源: 

goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 



上一篇Speed Dating單身資訊: 如何令女士為你付出?
下一篇Speed Dating單身資訊: 肥仔出pool記