點解你冇男仔追? | Speed Dating Federation 香港交友約會業總會

點解你冇男仔追? 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-09-15 14:51:42

點解你冇男仔追?

HK Romance Dating創辦人Anita張惠萍已經結婚仲生埋小朋友,但佢身邊有部分由細識到大嘅朋友,仲係從來冇拍過拖,而且係未有人追過添!因此香港交友約會業總會社交力學培訓導師Miracle同佢一齊傾下,點解有啲女仔係冇男仔追嘅?

Miracle表示有兩大原因,第一係女仔冇吸引力。肥係其一,絕大部分男仔一見到女仔肥就會篩走。不過女仔要留意,男仔係接受到少少肉地,認為咁係正常。佢地眼中嘅體態適中,絕唔係女仔認為骨感嘅瘦,男仔係需要被挑起性慾嘅動物。

Miracle指有啲女仔有種浪漫想法,認為唔化妝好正常,期望人鍾意真實嘅自己。大部分男人都係因外貌吸引先開始拍拖,之後先發展感情,如果第一步大家已唔做,就冇咗呢個進展過程。其實化妝除咗提升魅力,仲係種基本專重,即使你天生麗質,都好應該化少少妝。男人求偶基因在乎生育,想見到伴侶健康後生,化妝正正係輔助工具。正如見到產品包裝靚,女仔都會望多兩眼咁。

第二大原因係一個女仔令人覺得好難接觸。好多女仔有種錯誤睇法,以為咁易被得手男仔就唔會珍惜你。不過其實頭15秒女仔最好俾人感覺會容易被識,如果一開頭已好難的話,佢地會想走,原因適合嘅人有好多,取易不取難係好正常嘅事。

Anita認為部分女仔冇人追係因為性格問題,有時speed dating見到啲樣子唔錯嘅女仔好冇禮貌,一見到男方外表唔吸引就黑面,見到靚仔就笑哂口咁。Miracle指女仔唔應該咁短視,就算呢個唔啱,都應該保持禮貌,話唔定佢有朋友啱呢。

Anita又指部分女仔比較男仔頭,可能樣唔差,但屬於爽朗型,以致男仔當咗佢係兄弟。Miracle又話呢個係錯誤觀念噃,佢見大部分話自己男仔性格嘅女仔,通常都係小器、容易嬲。佢指如果外表女性化,你性格爽朗都會多人追,但唔係剪短頭不修邊幅嗰種女仔。男性想女性溫柔,等傾偈時有人安慰,而唔會追個似男人嘅女人。

記住所謂嘅緣份未到,雖然有可能都啱,但有時係不負責任嘅說法。如果各位單身超過兩年,就搵Miracle幫手喇,有時間就參加埋參加speed dating啦。


 

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 



上一篇Speed Dating單身資訊: 點樣征服大男人?
下一篇Speed Dating單身資訊: 什麼場合可以認識到正經嘅男仔?