文生哥哥教你增加個人魅力、追求異性、經營美滿婚姻 | Speed Dating Federation 香港交友約會業總會

文生哥哥教你增加個人魅力、追求異性、經營美滿婚姻 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-09-06 15:34:44

文生哥哥教你增加個人魅力、追求異性、經營美滿婚姻

文生哥哥伍文生現時成日做司儀,又會開說話技巧班教授唔同人士,今次擁有美滿家庭嘅佢,會教大家如何提升個人魅力,又會教大家如何追求異性同經營美滿婚姻!

HK Romance Dating創辦人Anita張惠萍表示,結識異性怕醜係大忌,有時Speed Dating見到怕醜靚仔,覺得真係嘥哂!文生哥哥表示雖然怕唔怕醜係好取決於性格,但如果後天需要,你都要諗下你應該要點做。例如如果你需要伴侶,都應知道女仔都想開心,想有個好笑嘅人陪佢一世。

佢指自己細個都好怕醜,但細個一次被選中朗誦比賽,練習過程中佢成日覺得自己唔得,但結果佢係最高分嗰個。事後老師認為因為佢夠大聲,說話清楚而勝出,佢就明白人地接收到自己訊息係溝通第一步。佢指做人有目標好緊要,改變後你見到自己靚仔咗都會開心啦,表現到舒服吸引一面好重要,熟悉後你再展示另一面俾人睇都未遲。大家要接受人意見,唔好迫人接受你最真實一面。

成日做司儀嘅佢當被問到點樣說話可以叻啲,佢竟然教大家—講少啲!佢表示大家要聆聽下對方,另外唔好一句就句號,要俾對方接到落去。Speed Dating時,因為人多,如果你睇中其中一個女仔,做第一個發言係有著數,因為大家都聚焦喺你身上。所以Speed Dating大家記得要早到,你可以早啲發言,又可先了解到人,唔適合就轉目標。男仔Speed Dating時都預咗識異性,唔使怕食檸檬,主動啲。

至於女仔,佢話怕醜少少都唔緊要,因為受歡迎嘅女仔,男仔都會拍佢多人掙。男士唔鍾意拒絕人,特別係異性。男仔會包容怕醜女仔,如果你表示自己緊張,男仔仲會會特別照顧你、想保護你,但女仔唔好太過份,成個鐘都唔講嘢就唔得。不過Party時男仔喜歡有幽默感嘅女仔,因為可以節省氣力。有啲朋友話唔習慣笑,或怕笑得唔好睇,但其實個個都鍾意人笑,怕醜笑、微笑都幾可愛架。

大家唔使怕多說話會被friend zone,放鬆少少,只係了解下對方先,抱識多個朋友心態,情投意合先行多步,用自己魅力做朋友。大家唔好急,人人要求都唔同,你唔使諗對方諗咩。

文生哥哥老婆原來係外母介紹,當年佢地Long D,老婆澳洲畢業番黎香港後,佢地好快就結婚。佢慶幸有婚前輔導,先了解大家意願,知道大家目標一致,所以雖然佢地閃婚都冇問題,而家仲有三個小朋友添。佢表示剛拍拖時好想分享生活,到而家佢都會主動報導行蹤,同時俾空間大家,所以結婚十幾年都唔悶。佢地一齊為家庭努力,唔鍾意嗌交,投注心力喺小朋友上。

佢勸各位都要了解自己,唔好為結而結,要先好好溝通。對於供樓結婚等問題,你唔好俾太大壓力大家。雙方要方向目標一致,再一齊努力,先可以長跑。佢表示男士任何時候都可專心事業,冇時間限制結婚,有伴侶支持其實更輕鬆添。

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 



上一篇Speed Dating單身資訊: 【 脫單搞得掂 】成功脫單人士有何特質?
下一篇Speed Dating單身資訊: 【現代紅娘每週大爆料 ​​​】擇偶時睇錢有冇錯?