讓女生愛死你的秘訣! | Speed Dating Federation 香港交友約會業總會

讓女生愛死你的秘訣! 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-08-23 14:57:37

讓女生愛死你的秘訣!

各位speed dating單對單約會男客人,今次要留意影片喇!香港交友約會業總會社交力學培訓導師Miracle會教大家點樣令女生愛死你,等大家可以儘快脫單!

靚仔當然容易啲吸引人,但係絕對唔係必要,呢個只係天生bonus。女仔同男仔唔同,只要見你整潔同尊重場合,望落presentable,已經覺得你好吸引。大家千萬唔好再著悟空衫、波衫出街,真係會嚇親人架。你要打扮企理,做好第一步先會再有第二三步。HK Romance Dating創辦人Anita表示,曾經有位單對單約會男客人非常不修邊幅,佢只係想人接受自己,一直唔肯改。Miracle表示社會好多人過份解讀要做自己呢回事,大家要了解市場,再去迎合市場,例如知大家重視外觀,你就改變自己衣著呢方面。Miracle話床邊人都從來見唔到自己不修邊幅一面架,Anita都話當年第一眼見到Miracle就覺得佢好有型。

性格方面,Anita覺得吸引到佢嘅,就係對方老實大方,說話會好坦蕩蕩。不過Miracle就認為男仔唔應該問咩都講,要識點樣迴避某啲問題。你要表現嘅,應該係顯示到自己有生活品味,令女仔覺得同你一齊可學新嘢,會覺得你好型。女仔會想像已興奮,覺得同你一齊會去到下一層次。呢樣都解釋到點解有到大叔控,通常女性較早熟,除非你較成熟,可以一早表現到呢方面。

咁暖男係咪都會媾死女呢?Miracle就話其實暖男唔存在架,只係韓劇吹捧出黎,單單暖男唔會媾到女,最多只係性格上bonus。完全暖男只會培養港女,唯有alpha male先可以制止到每個女仔潛在嘅港女特質。Anita覺得重視女仔嘅表現好吸引,但Miracle就話你又唔好表現到好鍾意,表現到冇咗佢唔得,咁會令到自己冇吸引力。佢笑話女人講嘅嘢聽下就好,女仔真正覺得嘅,成日同佢地講嘅係兩回事,最重要都係你要先建立吸引種子。

有個更高招技巧,睇下各位speed dating單對單約會男客人用唔用得著住,秘訣就係唔理個女仔喇,你咁樣反而會吸引到女仔。不過你又唔係完全唔理個女仔,而係要做少少,但整體唔理佢。曾經試過佢見到有個靚女,有8個男仔圍住佢,Miracle冇加入,而係喺佢身後輕輕講句「You are so popular」,45分鐘後女仔走埋黎做番同一動作,高招呢~

 

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 



上一篇Speed Dating單身資訊: 男仔鍾意邊類型女仔?
下一篇Speed Dating單身資訊: 【現代紅娘每週大爆料】|現代媒人怎樣幫單身客人配對?