[名人愛情錄] 至死不渝的愛情 | 香港交友約會業總會 Speed Dating Federation

[名人愛情錄] 至死不渝的愛情 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-05-23 13:25:24

[名人愛情錄] 至死不渝的愛情

60歲嘅梁家輝跟太太江嘉年係演藝圈出名嘅模範夫妻,他們今年已經係佢哋結婚33周年,但仍然恩愛如初。佢哋育有一對孖女,雖然兩女喺加拿大讀書,但一家四口關係並唔疏離,不時喺社交媒體上載佢哋嘅生活寫照,叫人羨慕。

梁家輝雖然喺美女如雲嘅電影圈裏面成日都做風流快活嘅角色,但現實中完全誘惑唔到佢,多年來喺娛樂圈都零緋聞,點知當年參演香港電台嘅劇集時,見到江嘉年就一見鍾情,於是就開始發展戀人關係。佢哋拍咗拖半年就選擇結婚,但當時正值係梁家輝最失意、最沒有希望、最窮、最潦倒嘅時候,根本無錢搞婚宴,結婚戒指都只係買咗八百蚊,但江嘉年始終對佢不離不棄。結婚之後,梁嘉輝問太太:「嫁給我委屈嗎?」江嘉年就答:「不覺得,我相信你以後是不會令我傷心的。」兩人患難見真情,長相廝守,結婚咁耐都未試過嗌大交。

江嘉年雖然外表嬌小,但内裏原來係個「女強人」。梁家輝喺90年代拍《情人》時,被黑社會入侵娛樂圈,差啲被黑幫押往菲律賓拍戲,所以梁家輝冒住被告違約嘅風險離開《情人》團隊。然而,江嘉年勇救丈夫,親自去搵黑社會大佬講數,最後逢凶化吉,梁家輝就憑住《情人》令事業更上一層樓。梁家輝喺江嘉年臨產時喺英國拍緊戲趕唔切返香港,佢獨自誕下一對孖女,又為家庭付出不少。

歲月無情,年輕時嘅江嘉年美貌如花,近幾年外界有不少報道都話佢身材走樣,不過梁家輝毫不介意,仲話:「我太太是世上最好的女人。」梁家輝仲出過一段名言:「一對戀人,頭1、2年拍拖,那是戀情;之後的10年,是感情;如果30年後你仍會拉她的手上街,那才是真正的愛情。」二人嘅感情絕對係難能可貴,完全領略執子之手,共偕白首的真義。

作者: 張惠萍黃嘉如 (HK Romance Dating Ltd創辦人) www.hkrd.com.hk / goldenmatching.com

#香港交友約會業總會 #香港婚活 #單身男女 #HKRD #HKMDI #HK Romance Dating #Speed Dating #matching



上一篇Speed Dating單身資訊: 【高難度配對分享(下)】百萬年薪女強人 事業愛情兩得意,全靠……
下一篇Speed Dating單身資訊: 【Christy又撮合一對 43歲A0 IT男 靠「純」出Pool】❤️