玩交友App講技巧!小心網上情緣6大危機 不要做下個受害人! | 香港交友約會業總會 The HK Federation of Matchmaking and Speed Dating Industry

玩交友App講技巧!小心網上情緣6大危機 不要做下個受害人! 香港交友約會業總會 Hong Kong Speed Dating Federation - 一對一約會, 單對單約會, 約會行業, 約會配對

 

2020-04-30 14:54:34

玩交友App講技巧!小心網上情緣6大危機 不要做下個受害人!

單身女心急投入新戀情,可惜苦無對象,唯有轉戰交友App尋愛。唔好見自己平日精明,一旦在甜言蜜語攻勢下,心急脫單的你也很易誤墮愛情騙局!為免大家成為報紙上「網上情緣」騙案的受害者,定要認清以下6個危機!

 

危機1. 約會選址奇怪

私人地方容易被劫財劫色,但公眾地方如美容店、投資公司等一樣有風險!對方可能會假借做facial、幫你理財為由要求你俾錢,銀包一樣會「失身」!另外約食飯也要留意選址,唔好去高級餐廳,以免對方大安旨意要你埋單。

 

危機2. 對方主動請客

別以為初次見面,對方請客等同大方,佢可能故作有風度,出少少錢令你有好感,然後再以其他借口游說你付出更多錢,例如以自己生日為藉要你送手錶、電話;帶你去時裝店選購名貴服飾;以投資或家人生病為由要你巨額匯款,慢慢令你愈洗愈多!心水清嘅話計一計,你所付出的比起他一餐半餐飯錢更多,必是愛情陷阱。

 

危機3. 只有一種聯絡方式

唔好以為有對方手提,其實佢可以騙財騙色後隨即失蹤,連電話也終止服務!所以當你有興趣同對方作進一步了解,不妨交換社交媒體帳號,深入了解日常生活。記得提防對方提供假account,或者佢話完全唔玩facebook、instagram就要小心,可能係佢怕你拆穿真面目,呢段關係咁唔坦誠,睇落未必長久!

 

危機4. 相識無耐稱呼親暱

識咗唔夠幾日,尚未了解對方家庭背景,佢已經好猴禽honey前honey後稱呼,態度親暱,發展速度超乎預期,中伏機率大大提升。想深一層,單憑照片或只見一兩次就話愛上你,遇上的分分鐘是player或騙子。

 

危機5. 異地網戀 從未見面

根據警方資料,有女生於2016年在網上認識一名自稱為馬來西亞華僑,然後成為網上情侶。兩年網戀期間,男方聲稱要支付遺產手續費,女方分387次存款到指定的本地及海外戶口,一共花近2640萬元,其後才意識自己被騙!異地交友最難試出對方身份,危機最大,無論如何,在未100%了解對方前,一定要死守銀行戶口及銀包。

 

危機6. 隱瞞密友

玩交友App識朋友已非尷尬事,收收埋埋唔想被朋友知,未必係好事。所謂「旁觀者清」,同身邊密友分享心儀對象、訴說心動經過,詳述見面細節及提出可疑情況,局外人更易睇透你呢段關係,受騙機會自然大減。


 

香港交友約會業總會呼籲業界
提供真誠可靠的服務,讓單身人士信任交友約會

#香港交友約會業總會 #單身男女 #HKMDI #Speed Dating #matching



上一篇: 民主黨質疑配對交友公司造假 有會員付1千至3.2萬元從未獲安排會面
下一篇: 【天價網戀】地產女強人網戀英工程師 相戀四年未相見被騙1.8億