|
|
Whatsapp追女仔最易犯的錯
作者: 黃嘉如 (HK Romance Dating創辦人)
連結:http://www.hkrd.com.hk/tips/whatsapp-dating
男仔Whatsapp追女仔最易犯的錯 HK Romance Dating 提醒你唔好再犯啦！
追女仔的技巧有好多，但要成功約到「女神」出街前，良好的Whatsapp技巧絕對功不可沒，以下就係１０個追女仔經驗少的男仔易犯的錯，一齊黎睇下你有無中啦！女仔們都睇下自己有無中先~
1. 訊息都係疑問句
句句都係問題句，好似迫人同你做訪問咁，同你傾計咁有壓力，係人都怕怕啦!
2. 齋文字唔用Emoji同Sticker
傾計只用文字唔加Emoji令人地感受唔到你的語氣，又唔夠親切，建議可以幾句計加插一、兩個表情符號，令對方感覺你想enjoy同佢傾計的。
3. 話題不停係咁轉
唔好太快轉話題，開左個話題時可以俾少少時間用黎了解下對方的想法同價值觀，避免人地未講完上一個就立即跳下個，咁會令人地以為自己講野好無聊你唔想聽，會搞到佢好無癮。
4.「單機」連發訊息
人地未回你或者未得閒回你，不斷密集式「單機」發送訊息，仲要文章咁d字密麻麻，好難唔吓親人嫁播! 俾少少耐性唔好咁心急啦!
5. 只講自己的事情
「我今日做左…」、「我認為呢…」咩都有你講無人講，人地唔單止會認為你對佢無咩興趣唔多想了解佢，又會俾人感覺你自大只顧自己，唔識得聆聽別人。女仔都希望有個會「知自己心意」的男友，當個好聆聽者絕對加分!
6. 訊息對話太認真
「請問你…」唔好當自己同緊上司或者老師、長輩傾計咁，句句都complete sentence，咁會令到人地覺得同你whatsapp好嚴肅，放輕鬆d當朋友傾閒計啦!
7. 唔主動開新話題
次次都回完人地，唔主動開新話題去延續個對話，會令到對方覺得你唔想同佢傾落去。得閒上網睇到得意野share下俾佢，等佢知你都有心同佢傾計了解落去啦!
最後，3大重點
謹記以下重點，令對方同你都越傾越投契啦!
1. 對話留伏線，「故事下回分解」，令佢產生好奇心期待下次同你傾計
2. 幽默方式對答擦火花
3.生活中尋找新話題，讓大家對話中更了解對方的生活同價值觀
文章來源: HKRD GROUP ( goldenmatching.com / hkrd.com.hk / hkrdfashion.com/ daydaygodating.com )
#HKRD #fashion # speeddating #datingapp #truelove #約會 #男女朋友 #hkrd #hkromancedating #愛情技巧 #吸引力 #hkmdi
上一篇Speed Dating單身資訊: 不要「離地」只懂「懷愐過去常陶醉」
下一篇Speed Dating單身資訊: 桃花旺盛女教你 如何成為男人眼中的 「魅力女性」