[ 專家教室 ] 品酒知識大解構 | Speed Dating Federation 香港交友約會業協會

[ 專家教室 ] 品酒知識大解構 香港交友約會業協會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2022-05-08 14:47:45

[ 專家教室 ] 品酒知識大解構

對於品酒,未必個個單對單約會Speed Dating客人都有所認識,所以我地請來國際社交禮儀導師&葡萄酒與烈酒導師Esther教大家如何選擇~

好多時我地都聽到品酒師同侍酒師,其實兩者分別在於前者著重教育及培訓工作,後者就會幫客人揀酒、開酒同為佢地選擇適合酒去配搭食物。Esther表示,而家好多女仔都識品酒,男士唔好界定女仔一定係鍾意甜酒,其實都好多女仔鍾意烈酒。選擇前,男士可先問女仔喜好,例如有關國家、酒區及葡萄,若果女仔唔識的話,你介紹時可運用旅遊及生活化知識,唔使向佢講太技術性嘅事。

好多時我地見人飲酒前都會先搖杯,其實我地唔使搖太多,搖下聞下就可以,直至酒氣味再冇變化就可放低。不過氣味都要視乎酒靚唔靚,有啲普通的可能根本係冇乜分別。至於香檳,大家千祈唔好搖杯,有時比較複雜同多層次嘅香檳,你可轉用白酒杯飲來散發香味,喺女仔前又可顯示你識野。

食物方面,生蠔一定唔好配紅酒,魚生都一定要配白酒。至於豬牛就配紅酒,後者要選擇較強的,食羊就可選擇有黑椒味嘅紅酒。香檳大家係餐前飲,甜酒係飯後飲。味道方面,紅酒通常帶有紅果同黑果味,白酒就有檸檬、桃或西柚味道。如果大家唔識,其實用抽象形容詞例如好舒服、清新就可以,但大家唔好形容好有酒味,講powerful會較好,相反就形容soft或elegant。

資料來源: 

goldenmatching.com / hkrd.com.hk / hkrdfashion.comdaydaygodating.com 

 



上一篇Speed Dating單身資訊: [ 專家教室 ] 約會餐桌及社交禮儀秘笈
下一篇Speed Dating單身資訊: 【KOL鬼王大騙局】教溝女技巧威逼收10萬元?