【現代紅娘每週大爆料】男士A0有樣睇！

HK Romance Dating創辦人Yubi黃嘉如閱人無數，同你傾幾句就知你係咩人，甚至連你係咪A0都知！究竟係點分架呢？

首先，佢地普遍溝通能力都好差。可能佢地工作圈子全部都係男士，甚至係男校出身，當遇上靚少少嘅女仔，就唔知點同佢地傾偈，身體語言好驚青。又或相反，佢地會讚到對方天上有地下無，非常誇張，會嚇親人。佢地又唔係好識問人問題，咩都問到督，真係好驚架。

第二，佢地好自我。佢地條件可能好一般，但就好有自信。有自信係好事，但脫離自我認知就係壞事。呢類男士可能會認為model級數女仔先襯得起自己，冇諗過呢類型女仔會唔會睇得上自己。

第三，佢地興趣好窄，性格好宅。佢地可能成日打機，咩話題都係圍繞打機，約女仔都係打機。因此同新對象交流，佢地冇乜野好講，唔識關心人，所以女仔對佢地會冇乜興趣。

如果你齊哂以上特質，好應該考慮下參加單對單約會服務，等我地由外至內提升你特質，從而脫單！

HK Romance Dating創辦人Yubi 黃嘉如
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk  / goldenmatching.com

資料來源: 

goldenmatching.com / hkrd.com.hk / hkrdfashion.com/ daydaygodating.com 

 

上一篇Speed Dating單身資訊: 【 Speed Dating檔案室 】失婚3次爸爸仲有冇人鍾意？
下一篇Speed Dating單身資訊: 【 我的愛情故事 】型男古天祥太太大讚老公十項全能 餵奶湊仔樣樣皆精 唔係「豬隊友」