【現代紅娘每週大爆料 ​​​】點樣同陌生人拉近關係! | Speed Dating Federation 香港交友約會業協會

【現代紅娘每週大爆料 ​​​】點樣同陌生人拉近關係! 香港交友約會業協會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2022-02-25 18:02:26

【現代紅娘每週大爆料 ​​​】點樣同陌生人拉近關係!

各位單對單約會Speed Dating客人,參加活動時只係第一次見對方,可能唔係好識打開話匣子。今次HK Romance Dating創辦人Anita張惠萍分享一啲秘訣,等大家同新認識嘅對象可以拉近距離。

每段關係都係從朋友做起,如果你表現得好求賣又或係故作冷漠都係唔好,因為你同朋友都唔會咁架嘛。第一次你可討論下餐廳食物,跟住傾下興趣,唔好俾到壓力對方,又唔好太八掛。例如當你發現大家都鍾意打羽毛球,可以提議下搵日一齊玩。如果你怕醜嘅話,Anita有個Magic Word俾大家,就係「難唔難架?」,例如問「難唔難Book場架?」,對方會繼續講落去,甚至邀約你。

我地又要掌握說話節奏,例如人地話自己鍾意游水,如果你「嗯」咗一陣先再問「仲有冇其他呀?」,俾人好感覺到你要停低思考先再問,唔太自然。如果想自然啲,平時就練習多啲增進技巧。

另外大家要留意身體語言,可以身體向前、多笑容同多讚美點頭,呢個係潛意識,令對方都會做番相同動作,咁就令成個氣氛好愉快。大家要留意唔好變到八字腳,男士又唔好批腮,表現得好啲。各位單對單約會Speed Dating客人又可以模仿對方姿勢,等一陣就重複對方小動作,從而製造親近感。

最後大家應建構同感,從而拉近距離,你可以為對方說話作一個小總結。而如果對方講咗一啲負面事,你可以先表達同情,再問一啲正面事,例如問對方平時點克服難關,俾對方多啲機會表達內心世界。

時間耐咗,如果你令對方知道你記得對方嘅事,係會令人感到好窩心的。當你傾偈時不經意講番對方鍾意嘅食物同生活小事,係會好令人感動,所以大家約會時要專心,另外Anita都唔太建議大家漁翁撒網的。

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com

資料來源: 

goldenmatching.com / hkrd.com.hk / hkrdfashion.comdaydaygodating.com 

 



上一篇Speed Dating單身資訊: 疫情影響 港人情人節消費意欲跌
下一篇Speed Dating單身資訊: 【現代紅娘每週大爆料 ​​​】筍盤參加單對單約會嘅3大原因