【 我的愛情故事 】曾美華皆因主播光環嫁得好?

前有線新聞主播曾美華，同黎耀恩結婚後被視為嫁入豪門，但佢表示一切都係黎得好平淡，自己亦唔係每日過緊少奶奶生活。

曾美華表示做主播原來絕對冇光環，佢工作十年成日見同事收花，但自己只係收過一次花，仲要係唔識對方架添。相反佢表示做主播生活圈子仲細，成日都只係見攝影師同監製。曾美華指自己大顛大廢，唔係斯文嘅女仔，一直抱有願者上釣嘅心態，但佢認為自己鍾意笑，而鍾意笑嘅女仔都吸引啲。

至於佢同老公點識呢，佢話過程一啲都唔浪漫，當年大家只係喺朋友飯局認識，做個普通朋友交換電話。開頭佢冇特別喜歡又冇唔喜歡佢，但覺得同佢相處舒服又傾得埋。加上對方做飲食，同佢一樣收得夜，大家時間好易夾到。

曾美華指老公比較靜同悶，好少去party，而佢以前啲男朋友都好激情幽默，所以可能咁先會結婚。而家有咗有小朋友，對方更包容同體諒自己，呢啲日常細節更令佢窩心。佢表示拍拖過咗頭兩年後，通常紛爭都會增加，大家要互相遷就。作為家人，關係係會成長，需要長期磨合。最近佢屋企發生咁多事，佢表示自己唔會特別去解決，唯有喺屋企唔好提件事。大家要繼續生活，佢認為既然控制唔到，唔需要特別去討論。本身佢比較樂觀，認為控制唔到嘅事就無需顧慮。

好多人都會形容曾美華為幸福少奶奶，但佢而家都仲有兼職工作，認為唔能夠同社會脫節，佢又喜歡同唔同人傾偈，所以絕對唔係每日只係嘆美食去扮靚。對於我地一班Speed Dating同單對單約會客人，佢提醒大家寧缺勿濫，每人追求都唔同，當你預備好，自然就有希望，唔使驚冇得拍拖，唯一佢嘅忠告就係，唔好以為靚女就會多人追！

 

資料來源: 

goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 

上一篇Speed Dating單身資訊: 如何不被當做工具人?
下一篇Speed Dating單身資訊: 【 我的愛情故事 】作家黃獎女友細自己31年? 有冇代溝呢?