【HKRD專訪】港男港女的另一半

兩性關係導師嘅Kargo Chung鍾家豪同HK Romance Dating創辦人Yubi黃嘉如早前一齊接受Fact Chat訪問，討論下兩性關係，又討論下Speed Dating行情。訪問內容真係好精彩，大家記得睇片欣賞喇～

Kargo表示香港節奏急速，人人都好大壓力，自細冇人教我地兩性相處題目，學校冇教，香港欠缺戀愛系統，我地唯有觀察父母同邊試邊學。香港大部分人都覺得份工好重要，而忽略咗感情佔佢人生更長時間。Yubi話發現好多女校出生嘅女仔都好樸素，佢試過遇到個單對單約會客人40歲都從來冇化過妝，Yubi好榮幸幫佢化到人生中第一個妝。傾落Yubi發現女客人好驚化妝會令人覺得佢發姣，佢由細到大嘅朋友圈子都有呢個氛圍。佢黎參加單對單約會都好怕俾朋友發現，驚好似背叛佢地咁。好多女仔都好似呢位客人，唔知道女性魅力係我地優勢。

Kargo表示社會太強調內在美嘅重要性，以為一講外在美就係膚淺，但事實係兩者同樣重要，有齊就最完美。佢表示男士簡單啲，著重外表，合眼緣已想進一步了解對方，所以扮靚真係入場門檻黎架。其實男女都咁諗，只係太真實嘅事大家唔想聽，大家試想下見工都係咁咋嘛。大家唔使以為自己要好似明星咁靚仔靚女，只要你企理，好似女仔就著下裙化下妝就得。Yubi成日都同單對單約會客人講，結咗婚先唔化妝，唔好未入場就已經唔化。除咗扮靚，化妝都係基本禮儀，真係唔使話要化到好靚架。Yubi表示好多女士忽略咗女仔擁有主導權，大家要先散發魅力，再吸引男士發動進攻。

傾到Speed Dating，Yubi表示香港好多人從事行業性別單一化，所以選擇參加活動。主持人從事法律行業，都話有咁嘅現象。去到適婚年齡階段，我地發現參加Speed Dating者男女比例差不多。參加咗單對單約會後，Yubi希望大家會以拍檔合作形式一齊努力，我地俾意見你，你就努力改變、接納意見脫離單身行列。好似有位單對單約會客人同我地表示，參加完化妝班後發現要日日化妝先得，如果dating時先化會覺得唔自然。Kargo表示大家係要把握進步機會，改變唔止係外表，仲有內在。佢好信吸引力法則，無論好唔好都係自己吸引番黎。有啲女仔成日吸引玩家，係有個有盲點，事實唔係自己不幸，一切都係因為打扮、語氣同性格自己吸引番黎。

Kargo表示男仔唔使一定高大靚仔，唔使似姜濤，而係最緊要大方。唔理對方係女朋友定同事，你都唔好咁老套要AA制，又唔好怕蝕，可以車埋人地番屋企。佢認為女仔要做嘅真係多啲，女士要抵得住歲月摧殘，而相處關係上，佢就建議大家要多稱讚。佢指香港缺少稱讚文化，批評文化就多，但男士被愛方式係透過稱讚同認同。佢指女士handle男士相對簡單，你讚佢對方能量場就會提升，出去工作都有信心啲。佢話都一齊咗，讚兩句你唔使死嘅，冇讚美你地感情一定唔會好。

至於現代人擇偶條件，Yubi指由於而家多機會，大家身處花花世界，成日Follow IG女神，會錯誤將印象投射喺未來伴侶上，到搵黎搵去都搵唔到就好灰心，佢勸大家要拉近幻想同現實距離。Kargo指大家都要付出，呢個唔易架，每人心目中都有要求但又唔願講出黎。大家可以睇下自己現有賣點、長處同優點，再放大黎發展。另外大家要有健康社交圈，從而了解異性鍾意啲咩。

部分人唔識溝通，可能WhatsApp好叻，但真人唔識溝通，Yubi提示各位要相處溝通舒服先成事架。另外大家WhatsApp唔好太多追問，Kargo指大家要避免封閉式問題，否則對方好難延續下去。大家可多問why how問題，做個聆聽者，以了解對方睇法，你又可判斷對方價值觀，睇下佢值唔值得交往。

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 

 

上一篇Speed Dating單身資訊: 如何識別玩家？
下一篇Speed Dating單身資訊: 【 脫單搞得掂 】成功脫單人士有何特質?