純情男士有沒有Market | Speed Dating Federation 香港交友約會業總會

純情男士有沒有Market 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-08-25 18:36:48

純情男士有沒有Market

今次我地討論一下純情男士有冇Market架?唔通呢個世界都係players玩哂?HK Romance Dating Matching Consultant Winson表示自己都係純情男,但佢愛情好有一手架。

純情男係指乖乖仔,佢地對伴侶專一,態度真誠,亦可以話係暖男,會令對方安心,HK Romance Dating創辦人Anita張惠萍表示佢會好幫呢啲男仔加分。純情男好善良正面,唔會佔人便宜,會從一而終,對伴侶好好。

只不過要記得純唔係鈍又唔係宅噃,唔係內向唔出聲嗰種,呢種太唔見得人,記得你蠢嘅一面要收埋。有時speed dating活動出現啲反面教材,佢地個頭冇乜點gel,坐時縮埋一舊攬住個袋,俾人唔好感覺。

就因為錯將純睇成鈍,好多男仔就以為女仔都只係鍾意口甜舌滑男仔。其實因為口甜舌滑男成日到處播種,自然溝通技巧好,俾人感覺好叻,轉數又好,女仔會認為同佢一齊感覺好威。只要純情男學會取一技之長,都有出頭天架。

首先要儀容俾人感覺舒服,另外唔好說話窒。可能好多speed dating客人都怕自己講錯嘢,又或轉數較慢,所以唔識說話。大家可多同異性傾偈訓練,又記得說話大聲啲。另外多建立自己興趣,自然你就多新玩意同話題,份人會較多元化。

另外純情男有時錯在太直接表白心意,好易俾女仔見到自己套路,但其實女仔都鍾意浪漫。不過有啲純情男成日有好長鋪排,做事又公式化,覺得要有十足把握先去表白,搞到錯失好多時機。女仔一來覺得你慢,二來可能轉頭佢已俾人追走咗。

不過純情男勝在專一,通常佢地只能應付一個女仔,都幾有品架,所以單對單約會佢地成功率都好高。可能因為吸引力法則,佢地多數都吸引到斯文而樣唔差嘅女仔。拍拖後佢地多數都好簡單生活,關係冇乜雜質,好快結婚。有次一位女老師配男IT,婚後成日一個彈琴一個唱歌,好開心,又好少嗌交,冇乜心理戰,關係非常對等,所以純情男絕對有市場架,只要記得要打扮、對人好、培養話題同多認識異性擴大社交圈子就冇問題!

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 



上一篇Speed Dating單身資訊: 離婚人士易脫單嗎
下一篇Speed Dating單身資訊: Speed Dating有問題!! 文生哥哥快問快答