離婚人士易脫單嗎 | Speed Dating Federation 香港交友約會業總會

離婚人士易脫單嗎 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-08-25 17:28:52

離婚人士易脫單嗎

好多離婚人士對HK Romance Dating單對單約會有興趣,但佢地好擔心自己過往經歷會令自己好難搵到對象,都私訊問我地會唔會有機會。今次等HK Romance Dating創辦人Anita張惠萍親自解答大家問題啦。

離婚人士而有小朋友,特別係女士,好多時怕男士接受唔到自己,又怕男士同小朋友相處唔到,又怕對方條件太好,有日會離開。試過某次單對單約會咨詢,一位40幾歲女士足足問咗Anita 3小時同一條問題,可想而次佢地有幾介意呢。

坦白講,離婚人士配對難度會較高,而有小朋友係會更難,但咁唔代表你就唔做任何事架嘛。如果你識珍惜他人、對人真誠,對住條件幾好嘅人都會好順利。只要你有充足自信,做好準備,都有成功機會架。

為大家分享兩個成功個案,第一位單對單約會女客人46歲,佢有個10歲左右嘅仔。佢生得好甜,好隨和好好笑容,俾人感覺好真心,成日讚美人。約會時佢會好真心讚美食物,又感激男士帶佢去好餐廳,充滿正能量。當時有位單對單約會男客人係位50幾歲消防高層,佢好講feel,嗰時已續約兩三次。我地都好擔心佢架,見佢咁耐未搵到,我地係唔會想keep個客咁耐嘅。最後兩位約會,第一次已一見如故,消防高層好快已被女客人溶化,話唔使再見其他人,兩年後嘅今日仲成日send相俾我地放閃添~

第二個成功個案係位45歲高級工程師男士,佢有過百萬年薪,而且身高180,好容易吸引女仔。但佢對自己歷史好感尷尬,因為佢離婚有個女,好多時以前約會,第三次先會話俾對方知真相,最後女仔通常會怕家人接受唔到而卻步。Anita嗰時就教佢應該接納自己背景,欣賞自己有個咁可愛嘅女,要抱正面態度,同人分享自己同個女關係仲咁好。之後一次speed dating活動,佢遇到個女客人,頭一次出街,佢已坦白過去,驚喜嘅係女仔一睇相就讚佢個女好可愛,最後佢地一齊咗,而家仲生多兩個添。

有啲人建議離婚人士唔好講哂自己歷史先,等大家有好感先話俾對方知真相。不過Anita就認為最好先坦誠,以免第日伴侶拎番出黎嘈,而且一開始鍾意埋你小朋友,唔係更好咩?大家記得要充滿自信,有正面態度再次出發,咁就好易吸引到人架喇。

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 

 



上一篇Speed Dating單身資訊: HKRD單對單約會諮詢流程大公開
下一篇Speed Dating單身資訊: 純情男士有沒有Market