同另一半嗌交點收科? | Speed Dating Federation 香港交友約會業總會

同另一半嗌交點收科? 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-08-24 16:32:21

同另一半嗌交點收科?

各位speed dating及單對單約會客人,可能你地都有過同伴侶嗌交嘅經驗,唔知最後結果如何呢?而其實我地有冇其他更好方法俾對方知我地點諗?今次香港交友約會業總會心理治療師Ada黃沁而同香港交友約會業總會社交力學培訓導師Miracle會用佢地專業嘅經驗教我地知點樣處理。

HK Romance Dating創辦人Anita張惠萍表示佢有好多嗌交經驗,相反Miracle從來唔嗌交,佢認為話嗌交係溝通嘅一種係廢話,可能以上說法係指大家爆時對方會知你想點,但比較好嘅係平時已溝通。Ada就話嗌交係用錯方法溝通,你會傷害到對方,不幸中之大幸可以話係對方仍然仲有嘢同你講。之不過不了了之都唔係好事,大家心裡仲有條刺,最好都要解決番。

Miracle表示社交力學中,避免嗌交需要framing,即係有terms and condition,好比買貨前已知件貨係點。你要俾對方知情況,例如佢工作關係好多異性喺身邊,拍拖前就要對方接受到呢點先一齊。Anita話拍拖後有時覺得對方性質改變,想知點可以調節自己心情。Ada就話改變唔到對方,但會唔會自己底線可調節呢,拍拖前各位speed dating及單對單約會客人要先了解自己。Miracle就話其實唔係佢變,而係你變,熱戀時大家大腦會釋放多巴胺,令你睇唔到對方本性。

大家記住唔好為發洩情緒而嗌交,處於摸索階段,大家要搞好關係,否則將來佢有機會模仿你情緒。如果你因為伴侶身邊多狂風浪碟而嗌交,你要明白每人社交生活係必需,亦係維持關係必需,否則你要承擔對方失去半個世界嘅後果。呢個世界唔係男就係女,如社交對佢事業有幫助,事後佢再擁抱你,效果將會更好。

Ada表示如果你成日因對方多異性喺身邊而冇安全感,你要處理自己內在問題,冇得要人俾你架。有啲人好鍾意一嗌交就話要分手,講多兩次對方真係可能會信,所以千萬唔好用分手作勒索工具,否則愛情版狼來了就會出現。呢樣好傷感情,你俾空間對方反思問題更好。Miracle話佢會俾對方知真係一提分手就冇得番轉頭,等佢唔會輕易咁講。

部分speed dating及單對單約會客人可能成日覺得自己喺關係中做下把,Miracle話呢個係價值博弈,大家要保持感情價值勻衡。各位有咩要當面講,唔好事後靠message,面對面溝通有語境動作,大家接受度會好唔同。

網友表示伴侶成日掉佢衫出街,然後又氹番佢番黎,Ada表示原來呢個都係暴力行為,可以話係精神勒索,好有機會佢又循環去番第一步。你要講清楚佢唔可以有下一次,笑話即刻要佢做20下掌上壓發洩情緒都係可行方法之一。大家嬲時,記得唔好人身攻擊,講冇建設性說話,呢個幫唔到件事,純發洩情緒係好冇用架。大家下次嬲時,可諗下自己會唔會之後後悔講咗某句說話,有時俾兩秒時間自己思考,已經好夠。Miracle表示大家溝通,語氣、態度同時間都好重要。問題發生後唔止講對唔住,道歉係包含成個過程,擁抱都好有用架。

香港交友約會業總會心理治療師Ada黃沁而
‧ 心理治療師
‧ 心理學學士學位、輔導心理學碩士學位
‧ 香港大學持續進修學院兼職講師
‧ 更多資料、預約/報名: http://www.hkmdi.com/consultant.php?consultant_id=11

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女



上一篇Speed Dating單身資訊: 專家評羅志祥(小豬)出軌事件
下一篇Speed Dating單身資訊: HKRD單對單約會諮詢流程大公開