女生介唔介意男生多線發展

女仔介唔介意男仔多線發展？今次香港交友約會業總會社交力學培訓導師Miracle、香港交友約會業總會心理治療師Ada同HK Romance Dating創辦人Yubi黃嘉如齊齊討論呢個話題，都幾有火花架！

一向行保守路線嘅Yubi，當然極力反對啦～佢話當一個男仔同時追好多個，正常都唔會俾對方知，咁唔光明正大嘅事，佢當然接受唔到啦。開明派嘅Ada同Miracle，又梗係完成持相反想法啦。Ada話唔介意同時俾幾個人追，咁如果對方追幾個都幾合理丫。而Miracle就再次話佢唔係追女仔，大家只係互相吸引同了解。

Yubi表示女仔大部分介意你同一時間date好多個，因為怕你係花心嘅人，但Miracle就話大家只係食飯，關係都未去到忠誠階段，係冇咩問題。就算俾約會對象見到，都冇野架，因為大家只係食飯。男仔會想知邊個適合自己，Ada話如果你最後都跑出，證明你真係好吸引，係好事黎的。

Yubi表示當年佢老公好有誠意，當Yubi問佢點解唔約其他人，佢老公就話等佢就ok，因為只係需要佢，令Yubi感覺好有安全感。Miracle就笑話，感覺係啱，你俾到對方感覺就可以了。如果一個男人受女性歡迎，有自信女仔正常都會加佢分，過程中仲可篩走冇自信、接受唔到嘅女仔。呢個係pre-selection，當人地見你多女性鍾意，你吸引力自然會提升。

各位Speed Dating客人要好清楚知自己想要咩，Ada話大家要有框架，知道對方價值觀同生活習慣同自己夾唔夾到。Miracle話自己瀨得野多，好知自己想要咩，各位Speed Dating客人都要有自省力量，從經歷中成長，但好多人正正冇咁做，就算離婚都唔反省。

約會時，大家可如何淡化感覺呢？就要平常心了解喇，Miracle話你一好鍾意一個人，戰鬥力就會只得番兩成。佢有一個好識媾女嘅男仔朋友，平時Miracle都會請教佢，但有次朋友遇到個好靚嘅韓籍model，佢因為太鍾意人，突然唔識texting，要Miracle幫手。各位Speed Dating客人同時如果有幾個對象，先能保持平常心。

最後講到如何提升自信，大家都認同係要提升經驗值，你越掌握得多，越知點應招。Ada又提議男士儲定話題，你可循環再用，對100個女仔講都可以。各位Speed Dating客人平時唔使一次失敗就自卑，又或遇到個適合嘅就chur對方，你要習慣同異性溝通，唔使要鍾意一個人先出黎，自然表現就會好架喇。

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

香港交友約會業總會心理治療師Ada黃沁而
‧ 心理治療師
‧ 心理學學士學位、輔導心理學碩士學位
‧ 香港大學持續進修學院兼職講師
‧ 更多資料、預約/報名: http://www.hkmdi.com/consultant.php?consultant_id=11

HK Romance Dating創辦人Yubi 黃嘉如
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk  / goldenmatching.com

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女

 

上一篇Speed Dating單身資訊: 現代紅娘帶你參觀Speed Dating 辦公室
下一篇Speed Dating單身資訊: 女仔鍾意邊類型男仔?