Yubi同Mirror師弟Pix3l分享配對經驗 大爆業內趣聞 | Speed Dating Federation 香港交友約會業總會

Yubi同Mirror師弟Pix3l分享配對經驗 大爆業內趣聞 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-08-16 14:08:19

Yubi同Mirror師弟Pix3l分享配對經驗 大爆業內趣聞

HK Romance Dating創辦人Yubi早前上咗ViuTV節目《囝囝女女730》做嘉賓,向《全民造星》出生 、Mirror師弟Pix3I分享speed dating行內趣聞,仲評論現場一場模擬speed dating,大家一齊睇片啦~

Yubi表示當日從事呢個行業,一來因為自己係成功例子,二來見香港好多行業性別單一化,所以就想幫下大家,6年至今已經撮合過幾百對情侶。有豐富經驗嘅Yubi,為Dilys同肥豐嘅一場唔見樣speed dating俾意見。由於見肥豐毫無底線附和女士,所以都話難怪女方覺得男士太飢渴,而呢個亦係speed dating大忌。不過見大家都主動問問題,又係好聆聽者,都表現唔錯嘅。

Yubi搞過唔同類型speed dating,有過千人跑馬拉松活動,亦有table for 6/8、wine tasting、DIY 整甜品及drinks party過百人活動,基本上如果大家有心,都唔難喺當中搵到對象。另外我地都有單對單約會服務,大家可以睇相同知道對方背景,雙方同意先進行約會。我地又會提供九型人格分析,等大家可以揀夾啲嘅對象約會。Pix3I好奇,咁大家係咪都會拍得成拖架呢?唔使擔心,我地有約會技巧班、形象指導班同輔導服務等等,俾大家升呢增加機會。

咁咩人會較容易搵到對象的?Yubi話有心搵同唔硬頸嘅就會較易,佢遇過好悶又唔肯改嘅客人,希望搵到個接受佢咁悶嘅對象,咁就難配對啲喇。另外一啲精算同核數師,因為冇時間覆人,亦有機會就算人地有興趣都冇用。

究竟香港speed dating客中,咩人比較受歡迎的?Yubi就話專業人士例如老師同工程師較受歡迎,女仔的話大方得體同活潑型就多人鍾意。主持人好奇會唔會好多女仔想吊金龜的?Yubi就話要為港女平反,其實我地最肯捱,通常都係想搵個收入同自己差不多嘅男仔,維持到現有生活質素就可以。另外Yubi分享一個幾陰功嘅例子,有位男客人做生意,幾靚仔,佢好要求對象要專一,事關以前佢有位女朋友同時有兩個男朋友,兩邊都搞婚禮,佢一直比較二人表現,去到婚禮當日先決定揀邊個,呢個造成咗佢重大創傷。

當然某部分人可能會離地少少,大家要諗下你鍾意嘅類型,會唔會係鍾意你呢類架呢?例如曾經有位60歲男士,搵哂鄭嘉穎同郭富誠嘅剪報黎,希望都搵個細自己20年嘅女仔,大家都要明唔係擺低錢,老公老婆就會變出黎的。另外曾經有啲較特別嘅擇偶要求包括要父母雙亡,因為女仔唔想服侍老爺奶奶,又諗可以唔使俾家用;希望對方唔住公屋;唔要獨生子女,怕佢地太自我;甚至想要處女,呢啲都比較搞笑,Yubi話其實相處先更重要。

 

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 如何識別異性發放的好感信號 IOI?
下一篇Speed Dating單身資訊: 追女仔係咪要每日whatsapp傾計?