如何識別異性發放的好感信號 IOI?

曖昧期間，我地成日都估估下，好想知對方係咪都對自己有興趣。香港交友約會業總會社交力學培訓導師Miracle今次就會教大家兩招—IOI同IOD，等大家唔使再咁忐忑，容易啲知道人地對你有冇興趣～

IOI即係Indicator of interest，具體例子唔會得一個，通常都係有幾個徵兆。當中你要留意下節奏同持續性，可能佢地係從幾個唔同約會中表現出黎。首先講女性對男性會點先，如果一個女仔成日同你有眼神接觸，呢個係其中一個特徵，但當然唔係絕對，因為好多做保險同PR等等嘅都識呢啲技巧，你都要識分。

另外如果一個女仔成日對住你笑，可以顯示出佢見到你內心好愉悅，事關香港人係黑面三甲，都比較少成日對住一個人笑。如果加上佢成日下意識撥頭髮，都顯示出佢對你可能有啲興趣，因為呢樣係同荷爾蒙有關。再者如果一個女仔成日向你主動開話題，都加大咗佢喜歡你嘅可能性。但都要重申，呢樣亦有可能同行業有關，如果佢本身唔係社交好強嘅人，則已經好有可能係IOI。之但係提提男士，如果遇到悶蛋，任何女仔都好難會做到IOI，有時如果speed dating你太慢熱內向，女仔都會有拉牛上樹嘅感覺架。

男性對女性就比較簡單，如果冇咩特別理由，佢都成日出現喺你生活中，製造同你相處機會，就已經係IOI。之但係女仔唔好有太多幻想，如果你同對方喺同一間公司工作，成日見到你好正常，除非你見到佢成日等埋你先搭lift，Miracle表示如果一個女仔成日覺得好多人鍾意你，係件好討厭嘅事來的。HK Romance
Dating創辦人Anita話曾經有個speed dating客成日約個女仔，令女仔感到佢好求賣，Miracle就話男人應該係獵人，如果變搖頭擺尾，成日讚你就好核突架喇，要小心。

好有趣，Miracle話香港女性唔使集中IOI，反而要留意IOD—Indicator of Disinterest。因為台灣等地女性好叻IOI，但香港人好冇禮貌，成日明明鍾意人但又黑面，要吊高黎賣，搞到對方追追下你會唔見咗人，所以港女要避免IOD。如果本身對你有IOI，突然變成IOD，可以見到佢對你興趣開始下跌。如果對方一開始已表現IOD，你則無謂繼續落去。

Miracle表示佢嘅資深學生已冇留意IOI，因為佢地已經好具吸引力，只需留意點利用IOI。如果知道對方做錯事就表現IOD，不停切換IOI同IOD，同對方有種拉力，咁樣就好好玩，令雙方愈行愈埋。

香港交友約會業總會社交力學培訓導師Miracle
‧ 社交力學培訓導師
‧ PICKUP HONG KONG 創辦人
‧ 香港交友約會業總會御用培訓導師
‧ HK Romance Dating、Golden Matching 御用培訓導師
‧ 更多資料、預約/報名: http://www.hkmdi.com/consultant.php?consultant_id=12

HK Romance Dating創辦人Anita張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk  / goldenmatching.com

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧

 

 

上一篇Speed Dating單身資訊: 正攻以外，觸動女性的其他方法
下一篇Speed Dating單身資訊: Yubi同Mirror師弟Pix3l分享配對經驗 大爆業內趣聞