【Winson港日之戀趣事】食壽司郎(スシロー)有感 | Speed Dating Federation 香港交友約會業總會

【Winson港日之戀趣事】食壽司郎(スシロー)有感 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-04-30 16:11:19

【Winson港日之戀趣事】食壽司郎(スシロー)有感

我同日本戀人多次進出各壽司郎スシロー (SUSHIRO) 分店,因為壽司郎係日本人心目中NO.1既壽司店之外,而且香港分店既裝修、食物都同日本差唔多,可以一解日本鄉愁。每次佢點餐都會揀12蚊兩件壽件,必定會點鐡火卷(即吞拿魚卷)、池魚壽司、葱花吞拿魚軍艦等等,我問點解唔揀期間限定壽司同埋拖羅,佢答我:「平時會覺得12蚊或17蚊兩件一碟既壽司抵食。好少叫17蚊或27蚊得嗰一件壽司,感覺有點貴。」(我同佢主要喺用英文、少少廣東話、少少日語溝通) 我好鍾意佢慳家心態,而且持家有道,有佢喺道唔怕會洗大咗。哈哈!

我平時就最愛中拖羅、蝦類既壽司,得閒都會試下既期間限定,佢覺得我好捨得食,但我覺得係スシロー食壽司,花多幾蚊就可以用平價食到高質壽司,所以壽司郎スシロー一直係我食壽司既首選。

另外,佢好鍾意喺池魚係沾上柚子醋,的確喺壽司上加上柚子醋,可以令壽司魚味提鮮。另外,有啲日本人,除咗選擇沾普通醬油外,都會加少少甜醬油,令壽司味道更豐富。

我發現佢唔太鍾意食蝦同蟹,平時都唔會叫呢類壽司。因為佢屋企人有敏感,而且剝殼麻煩,所以比較少食。不過我知道佢少食蝦,有次我都買咗新鮮既蝦,煮好後就會親手剝俾佢食(我其實係剝蝦高手!)。其實佢都幾鍾意食蝦,見佢食得開心,我就已經好滿足了。

順帶一題,壽司郎スシロー已經喺上環開分店,就喺HKRD公司附近既無極限廣場,大家上嚟了解完單對單約會之後,都可以到壽司郎食返餐好啦!

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 【Winson港日之戀趣事】日本人學廣東話既趣事
下一篇Speed Dating單身資訊: 【Winson深情剖白】極品男士約會嚇怕對象個案分享