【Mean Baby】四張嘢男人約會只嗌$32飲品 | Speed Dating Federation 香港交友約會業總會

【Mean Baby】四張嘢男人約會只嗌$32飲品 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-04-21 11:08:53

【Mean Baby】四張嘢男人約會只嗌$32飲品

唔知平時大家有冇睇開我地YouTube channel呢?香港交友約會業總會社交力學培訓導師Miracle,成日都教各位男士如果想吸引女性,就要做Alpha male,要俾人有領導感覺。(如果各位未睇過,就記得訂閱頻道喇)所以遇著啲斤斤計較嘅男人,Mean Baby真係不禁會暗自反白眼呀。

話說曾經有位單對單約會男客人E,入會時都40歲架喇,正常一位文職人員,我地初接觸佢時覺得佢都幾長氣,但對答算正常,所以我地都估唔到佢約會時會表現得咁唔得體。好喇,究竟發生咩事呢?

約會前,佢揀咗間Cafe,我地睇資料時,認為間餐廳環境都唔錯,都係一個好選擇。當日佢地約咗下午茶時間見面,E就話自己剛剛食完午飯好飽,自己飲杯野就得。好喇,先唔論點解你明知約咗人都食到咁飽,但去到一間最低消費每人$60嘅餐廳,你只係叫咗杯$32飲品,咪即係要人俾埋你嗰份?女客人當時都冇諗咁多,咪嗌多少少野食囉。點知食物黎到時,當女客人客氣問佢食唔食少少, 原先話好飽嘅佢,毫不客氣就拎起支叉,仲將一件又一件炸雞擺落口。

到傾偈時,佢好似HR上身,問對方平時多唔多煮飯、鍾唔鍾意去旅行、平時番工有冇帶飯。佢表示自己好健康,平時番工係帶飯,興趣係跑步,唔係咁鍾意去旅行,因為怕搭飛機有幅射...

到呢一刻,女客人終於發現原來佢係想搵個願意為佢煮飯,又唔使令佢使額外錢嘅女伴。所以,就諗方法完結約會了。到俾錢時,毫無懸念,E就只係俾番$32出黎。

E完約時想續會,我地都婉拒了。各位Speed Dating單對單約會男客人,無論你搵得多定搵得少,都唔好咁小家,多有多使,少有少使,但千萬唔好俾人感到你係算死草,大方嘅男人實在有魅力得多!

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 【名人愛情錄】盤點嫁外國人5女星
下一篇Speed Dating單身資訊: 【Mean Baby】有內涵嘅男人實在太吸引啦!