【名人愛情錄】娛樂圈著名醜女竟然勁多人追 | Speed Dating Federation 香港交友約會業總會

【名人愛情錄】娛樂圈著名醜女竟然勁多人追 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2021-04-21 10:44:23

【名人愛情錄】娛樂圈著名醜女竟然勁多人追

雖然我地成日話靚女自然多人追,但現實總會有例外,有啲個樣麻麻地嘅女仔桃花分分鐘旺過啲靚女,就好似以下呢位娛樂圈著名「醜女」,都唔明點解自己咁多桃花,而家嘅富豪老公仲對佢痴心一片添!

佢就係「石榴姐」苑瓊丹喇,其實客觀黎睇,佢都唔係真係醜樣,只不過多年黎成日演醜角,形象實在太深入民心喇。咁多年佢追求者無數,佢直頭話「咁多年,我係一個唔缺戲拍嘅人,亦係一個唔缺男朋友嘅人。」唔通呢啲真係命黎?佢都話唔明自己咁醜點解都咁多人追,但其實好多朋友都明點解,話因為佢份人夠真,好多人都好鍾意親近佢,覺得佢係位烈女。

苑瓊丹雖然多人追,但都受過情傷,例如撞破前男友出軌,又面對過同演員林正英拍拖一年後,對方就病逝。好在最後佢都遇到好歸宿,04年同拍拖幾年嘅「玻璃大王」黃乃揚喺美國拉斯維加斯秘密結婚。佢話「16年來我真係惡過鬼,試過鬧上律師樓簽分居紙,後黎老公靜靜同律師講要收番。」

後黎佢媽媽有病,老公賣哂所有嘢,再買大屋同佢家人同住,北上工作時,老公又照顧佢媽媽,陪佢飲茶、睇醫生。難怪後來佢跟老公說:「我好多謝你幫我同我家人!所以從今開始,以前發生過咩事,我唔會提,之後發生咩事,亦唔會計較。仲話即使日後有記者影到佢老公拖著第二個女人,佢都冇所謂,因為對方一路對佢付出實在太多!

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 【Mean Baby】A0女洗心革面 一撃即中步入教堂
下一篇Speed Dating單身資訊: 【名人愛情錄】 娛樂圈世紀賤男 引以為戒