【Mean Baby】招架唔到理性討論 突然扮第二個人離場 | 香港交友約會業總會 Speed Dating Federation

【Mean Baby】招架唔到理性討論 突然扮第二個人離場 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-12-16 14:39:28

【Mean Baby】招架唔到理性討論 突然扮第二個人離場

講真我地真係見過好多人,都知道呢個世界咩人都有!話說有單嘢真係幾好笑,有位單對單約會女客人思緒唔係咁清晰,有次我地同同下佢理性討論,佢招架不來,突然扮係自己秘書逃離現場!

呢位單對單約會女客人唔係好跟我地合約條款,私下pm我地啲男會員,不經我地協調,以致雙方在文字上産生誤會,約會唔成,反成結仇。

重點黎喇,佢pm人問乜呢…?

開估!佢未見面已經問對方問題問到督,例如:會問埋對方拎IG,然後質問對方點解有咁多女仔朋友、甚至問埋人做乜要follow咁多女仔!

男人好怕麻煩,當然會被嚇怕啦。小部份招架得來嘅,都願意繼續同佢約會。不過佢查問完人地家宅後,覺得對方唔符合佢心水,就遲遲唔肯俾個約會期出黎,仲要玩「潛水」。

因為咁,我地就努力協調啦,問過好幾次佢幾時可以約會,佢好多時都已讀不回,一係就成日話自己忙等等。到最後,為咗充滿誠意嘅男客人著想,唯有出最後通牒,引用番合約條款,拜託佢俾個期來。

去到呢步,佢再冇得左閃右避。殊不知!隔一分鐘後,佢send咗個message黎:「你好,我係xxx秘書,xxx而家唔喺香港,覆唔到你message。」睇到個message後,我地都笑到鏕地,真係估唔到咁都俾佢諗到。

雖知道佢只係個普通文員,冇可能有秘書,就算係其他人,都唔會上一分鐘同我地傾緊,下一分鐘就會離開咗香港掛。

我地都好有禮貌嘅,冇當場拆穿佢,只係回覆佢:「秘書應該同老闆約時間噃哈哈。」據聞佢仲係單身,都想再搵我地幫忙,但為咗我地單對單約會男會員福祉著想,只能夠默默祝福佢喺外面世界搵到幸福啦!

 

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 【Mean Baby】 真人版美女與野獸
下一篇Speed Dating單身資訊: 【Mean Baby】 Join咗單對單約會 變咗另一個人!