【名人愛情錄】 全球最知名夫婦 9歲已相遇

唔講唔知，原來呢對全球著名夫妻，讀小學時代已經相遇，直至十幾年後好有緣地相遇並相戀！

佢地就係威廉王子夫婦喇～最近大家有冇睇王冠（The Crown）？今季描述咗查里斯王子同戴安娜王妃不堪嘅經歷，但好在佢地個仔威廉王子建立咗個美滿家庭。

眾所週知，威廉王子讀大學時識到凱特，當年威廉廉王子為咗追到凱特，成日煮唔同菜式俾呢位「平民」食。除咗欣賞凱特美貌，威廉王子仲好鍾意對方嘅幽默感，認為佢成日領略到自己嘅言外之音，笑得非常開懷！

其實9歲時，凱特已經喺學校遇見咗黎參加友誼曲棍球賽嘅威廉王子，當然當年佢地咁細未有愛情感覺啦。事隔多年後佢地重遇，從此就難捨難離喇。2007年凱特曾經因為壓力同威廉王子分手，但唔夠一年佢地都忍唔住復合。到今時今日，佢地已經有3個小朋友，每次出席活動都非常歡迎，民望直迫戴安娜王妃！雖然舊年佢地一度受緋聞醜聞影響，但過後佢地感情反而變更好，因為佢地有個機會反思，呢幾年成日掛住照顧小朋友，而忽略咗兩口子相處嘅家庭模式！

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

 

上一篇Speed Dating單身資訊: 【名人愛情錄】萬人迷球星眼中只有佢老婆
下一篇Speed Dating單身資訊: 【HKRD投稿】數據分析：3字頭單身者回到愛情初心，成功率極高