【名人愛情錄】亞洲男神竟然只拍過兩次拖 | Speed Dating Federation 香港交友約會業總會

【名人愛情錄】亞洲男神竟然只拍過兩次拖 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-12-16 14:36:07

【名人愛情錄】亞洲男神竟然只拍過兩次拖

90年代,呢位男神明星,可謂紅透半天邊,好多亞洲女仔都視佢為白馬王子。不過估唔到呢位男神係一個極長情嘅人,已為人父嘅佢成世人只拍過兩次拖,而且從來冇其他緋聞!

呢位男神就係木村拓哉喇~18歲時佢對模特兒伊藤香里一見鍾情,之後佢地就拍咗9年拖,但隨住木村走紅,伊藤覺得壓力非常之大,最後為咗自由決定分手。失戀後木村受到打擊唔細,其後經好友酒井法子介紹下佢認識咗比他年大兩年嘅工藤靜香。靜香當年外表好清純,而且多才多藝,除咗係歌手、演員,佢仲係畫家同珠寶設計師,所以令木村傾心。

木村曾經講過:「自己不是第一位,對方才是要最先考慮的,這才是愛吧,戀愛的時候可能還是會覺得自己是第一位,但是昇華為愛之後,最優先的就不是自己了。拍拖年幾後,佢地就迅速傳出婚訊,期後木村喺演唱會公佈消息,大家都非常震驚,因為當時木村仲紅透半邊天。一夜間靜香成為全日女性公敵,好多年都被獲選為「最討厭女星」,更試過多次收到恐嚇信同血公仔。同時木村被公司雪藏,後來憑實力再慢慢重拾事業。

靜香婚後放棄演藝事業,專心相夫教女,先後生咗兩個女。而家兩個女木村心美同木村光希都加入咗娛樂圈。今年年頭,唔知係咪兩父女夾埋,平時為咗保護家庭,木村好少提及太太,但今年木村同心美都趁住靜香生日喺社交平台上公開表達對佢嘅愛意。多年黎受到咁大壓力影響,佢地依然咁幸福,相信都付出咗好多努力!

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇Speed Dating單身資訊: 戀愛4階段,你而家係邊個STAGE呢?
下一篇Speed Dating單身資訊: 【名人愛情錄】萬人迷球星眼中只有佢老婆