【Mean Baby】慢慢現型的港女… | Speed Dating Federation 香港交友約會業總會

【Mean Baby】慢慢現型的港女… 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-12-16 14:33:04

【Mean Baby】慢慢現型的港女…

上次提及善良女客人W對伴侶外在要求唔高,只係着重對方內涵。唔知大家有冇留意呢,我仲陳述到佢“貫徹始終”,由咨詢時到完結合約,都保持呢個態度。

點解我咁強調呢點,係因為某部份客人咨詢時想展現一個美好印象,乜都話冇所謂,但真正服務佢哋時,往往會慢慢變質。

單對單約會女客人B咨詢時表現得好隨和,話男士只要高過170cm,同埋人工比佢高就可以。不過到真係我哋send呢啲條件嘅男士檔案俾佢睇時,佢十個有九個都話唔OK。例如有個做IT嘅男士,月入比佢高兩萬,身高170,外表斯文都唔錯,佢睇完檔案冇耐,就回應一句「太矮」;另外有個做金融嘅,月入比佢高,身高174,佢又回應一句「太低人工」。

好不容易地,我地為佢安排左幾次約會,據我哋所知,頭兩名男客人都有再約佢,但完成第一次約會後,佢覺得唔啱feel,就即刻唔再覆人。

我哋同佢傾過,一見鐘情的機會率有幾咁低,唔好成日一次定生死,而且佢已經30歲有4,可以觀察多一兩次先。不過佢份人都有啲硬頸㗎,唔係好接受我哋意見。

有趣在佢好強調男士身高要170,但當有一次我哋提及有個新會員係醫生時,佢即刻表示好有興趣,而呢位醫生身高只係得168,外表又唔係平時佢鍾意嘅陽光類型,佢都話好想認識。不過,你揀人、人揀你,醫生想識返啲專業人士,所以最後都唔應約。

其實B揀親嘅男士條件都好優秀,呢樣都好正常,但我哋成日都強調,大家要換個角度睇,諗諗佢哋又想搵乜嘢對象呢?

好多女仔有個錯覺,以為自己人工唔錯,自然吸引到更加高收入嘅男仔。不過99%男士真係唔睇呢啲㗎,佢哋都係在乎一個女仔年齡、外表、同埋係咪有體貼的性格。

B入會時33歲,由於佢期間人工有升幅,擇偶要求不停提高,但客觀年紀又大一年,佢嘅配對成功率自然會下降。同時B唔算係一個好在乎打扮嘅人,冇乜接受我哋嘅造型同保養意見,而且有水腫問題,所以也會影響左成功率。

其實,我哋覺得每一個女士都一定能配對到一位錫自己嘅伴侶,只要大家願意配合同進步,多啲聽取我哋嘅意見,咁就可以好容易告別單身㗎啦,希望各位Speed Dating單對單約會客人都可以從以上個案學懂一課啦~

 

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 【Mean Baby】男人40一枝花,女人40爛茶渣?
下一篇Speed Dating單身資訊: 【Mean Baby】 女人啊!買手袋都係靠自己吧!