【名人愛情錄】南韓性感女歌星為男友被解約

喺南韓做偶像明星一啲都唔容易，你有好多戒條要遵守，其中一樣，就係唔可以拍拖，或者話，即使你拍拖都唔可以俾任何人知道。不過呢位當紅女星愛得轟轟烈烈，佢仲為咗男朋友，最後要離開一間大公司。依家佢哋變得非常高調，可以話係改變左南韓娛樂圈生態環境。

大家估到邊個未呢？佢就係性感女歌星、喺 “Gangnam Style” MV演出嘅泓雅啦。因為佢喺舞台上非常性感，台下又展現到可愛嘅一面，所以不論男女佢都吸引到。3年前佢被安排同兩位師弟合作，其中一位就係佢男朋友E'Dawn喇。當時佢哋被影到拖手拍拖，經理人公司好快就否認呢件事，但泓雅同E'Dawn希望喺台上可以堂堂正正面對fans，所以幾個鐘之後就發表聲明承認戀情。由於佢哋犯咗公司禁忌，無論幾紅都好，幾日後都雙雙被解約。

不過好快柳暗花明又一村，不久後呢對情侶就簽咗“Gangnam Style”主唱者PSY嘅公司，而家仲成日以情侶檔合作，寓工作於娛樂。坦白講作為一個成年人拍拖都好正常，公開咗戀情之後，佢哋事業不但冇被影響，仲多咗fans支持添。泓雅咁坦蕩蕩嘅行為，可以話係開展左南韓娛樂圈新嘅一頁～

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 【女生必睇】 男生愛上你時必做4大動作
下一篇Speed Dating單身資訊: 【Winson深情剖白】拍拖講到「錢」會傷感情?!