[名人愛情錄] 黃翠如蕭正楠明白結婚真締

想當年黃翠如成日被人覺得同洪永城係一對，到後來先知蕭正楠先係佢真命天子。2014年佢地一齊拍劇，日久生情。4年後，佢地低調結婚，冇搞婚禮，亦冇買鑽戒，只係喺新西蘭一個鄉村小市集買咗對用餐具整嘅戒指，就喺當地註冊。

黃翠如話婚後有唔同領悟，明白點解要結婚，「以前唔明白點解要結婚，結婚後就知道，當你覺得人生什麼咩都冇，衰到貼地嘅時候，原來身邊仲個人陪伴，呢個係婚姻先會有嘅感覺。當大家互相許下承諾一刻，你會覺得二為一體，從此分唔開」。兩個獨立個體結婚，唔多唔少都有啲衝突，好就好在佢地俾大家好大自由度，「佢縱我，多過我縱佢，佢唔會改變我任何嘢，所以我地一路相處都好舒服」。

另外，佢地時不時都俾對方驚喜，蕭正楠有次喺在橫店拍劇，比預期提早煞科，佢就秘密買機票飛到東京，會合正拍攝節目嘅黃翠如。點知最後朋友爆料，換轉頭黃翠如去機場俾個驚喜佢，最後更爭取時間齊遊東京和北海道！佢地至今都仲好sweet，最近疫情期間，蕭正楠訓練黃翠如煮飯，就算唔好食，蕭正楠都會清哂佢。所以即使呢排佢地收入大減，有對方關懷佢地已經覺得好滿足～

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: [名人愛情錄] Coffee 以行動證明愛情
下一篇Speed Dating單身資訊: [名人愛情錄] 頂級男神為初戀 放棄星光事業