【愛情來了 】靚牙大增異性緣 | 香港交友約會業總會 Speed Dating Federation

【愛情來了 】靚牙大增異性緣 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-11-19 18:52:11

【愛情來了 】靚牙大增異性緣

經過非正式統計,第一次約會想留下好印象俾對方,有燦爛笑容係好幫得手架!所以我地今次請黎牙科集團總經理Chris Wat黎受訪,教下Speed Dating 或單對單約會客人如何有排靚牙~

好多人都會關心箍牙呢個問題,事關唔係人人咁幸運天生有一排靚牙嘅,但究竟箍牙有冇年齡限制架呢?好消息,Chris話冇架,佢地最大嘅客人仲去到70幾歲添!大家又唔使擔心要剝牙先可以箍牙,視乎個別情況,有啲人只需磨牙已足夠偷位。至於磨完牙會唔會令牙齒變疏?Chris指有機會,又或者只係需要等較長時間令啲牙排番好。其實箍唔箍牙,大家牙齒都有機會走位架,Chris自己都箍過兩次牙,佢提醒各位要勤力啲戴固定器。而如果你有倒及牙,箍牙都可能幫到你,但情況嚴重啲都要做手術,做完你除咗還原靚靚,仲可以改善進食情況!

牙齒潔白度方面都有好多Speed Dating 或單對單約會客人關注,坊間嘅飲檸檬水或綠茶方案,佢認為唔太可靠,各位最好都係做番牙科檢查。平時大家要保持良好習慣,早晚刷牙同用牙線,同埋定期做檢查同洗牙。另外,大家可以選擇打磨、漂牙、激光雷射底藍光療程,但做完後大家都要避免飲荼或咖啡等上色飲品。當中藍光療程較多人選用,因為過程較舒服,唔似激光雷射咁有熱能。

另外口氣都會令約會變得尷尬,明明有啲人排牙望落冇乜野,但開口總會有陣味。Chris指有機會係佢地食咗濃味食物,又或者有牙周牙石等問題,都要牙醫檢查下至知。

最後,大家都好有興趣知道,係咪好多牙醫都係單身架呢?因為我地Speed Dating 或單對單約會醫生客中,牙醫係佔大多數。Chris話原來真係架,因為牙醫成日戴住口罩同帽,其他人好難望到佢地個樣,平時又比較少說話,可能靜啲。如果本身唔係成日出去玩,都會少啲機會識到異性。如果大家想識番個牙醫,同佢地傾偈保持平常心就可以,唔使特登講佢地啲行內說話,最緊要係要保持正面開心!

HK Romance Dating創辦人Anita 張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 【愛情來了 】氣質男的插畫路
下一篇Speed Dating單身資訊: 【愛情來了 】港人婚禮全透視