【Mean Baby最憎無品男】同女仔食飯有返體面好嗎? | 香港交友約會業總會 Speed Dating Federation

【Mean Baby最憎無品男】同女仔食飯有返體面好嗎? 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-11-12 18:08:01

【Mean Baby最憎無品男】同女仔食飯有返體面好嗎?

好多人冇留意到,只要你有同理心,喺愛情上已經贏咗人哋一大步。以下呢位呢位單對單約會男客人,竟然每次約會後都被女仔劣評,究竟發生咩事呢?

男客人K年過半百,經歷過一段婚姻,唔係離婚而係喪偶,所以我哋都意想唔到,結過婚嘅佢兩性溝通上會出現重大問題。每次約會前,我哋都會提醒客人,唔好喺茶餐廳或food court進行約會,因為環境太嘈吵。點知有次K出嚟約會後,臨時改變主意,帶個女仔周圍走,雖然途中女仔已經話好攰,佢都冇反應,最後揀咗喺一個food court食飯。

除此之外,佢最大嘅問題係,成日有佢講冇人講,冇留意到女仔有冇興趣展開呢個話題。再加上佢講嘢比較直接,例如會話對方眼袋好大等等。Oh my god~呢樣都嚇咗我哋一跳。

老實講,喺中年界別,因為女多男少,男士係比較佔優嘅。但今時今日好多女士都唔需要依靠男士,面對一個唔理想嘅對象,佢哋寧願單身都唔會想屈就,所以無論你條件如何,都要保持有品!

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: 【Mean Baby都識揀】老實離婚再覓第二春成功嗎?
下一篇Speed Dating單身資訊: 【Mean Baby 西客實錄】成日講錢嘅女客人