女生追仔時，千祈唔好踩中4大地雷

戀愛拍拖時，好甜蜜，但始終雙方有一啲底線係絕對唔可以踩過，如果女生做咗既話，可能會扣分，扣到男生忍唔住提出分手或者唔同你發展。

1.    批評對方品味
每個人品味都唔同，如果男方將自己喜歡興趣、電影、食物等等話俾你聽時，其實係一種信任既表現，但當你認為唔啱你口味或覺得幼稚而去嘲笑或者批評對方既喜好時，會令對方覺得唔受尊重，亦都令好感度即時下降。

2.    成日問對方情史
情史係好多男士既禁忌，如果你同男生只係啱啱發展既關係，就不斷問對方感情史或Ex係點樣，可能會再次揭開男生既傷疤，引起唔開心既回憶，所以等大家確實認定關係、感情穩定後先再問都未遲。

3.    經常要男士做主動
好多時女士以為扮矜持或被動就可以得到男士既關注及愛，你咁諗就錯啦! 有時男士會覺得你太被動或者時時刻刻都要去諗方法去關顧你，男士都會有覺得攰既時候，甚至覺得你對佢冇興趣，最終戀情無疾而終。

4.    不斷問對方收入及背景
男士既收入其實就等於尊嚴既高低，如果雙方關係未到好深入，就不斷問收入幾多、有冇買樓、屋企有冇留層樓俾你等等，覺得你貪錢之餘，亦都冇尊重對方既私隱，如果你係咁，唔怪之得你繼續單身啦!

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧

上一篇Speed Dating單身資訊: 女追男，點樣令佢容易愛上你?
下一篇Speed Dating單身資訊: 女士們，當墮入愛河，你有否使出心機行為呢?