點解人類會相愛同不忠? | 香港交友約會業總會 Speed Dating Federation

點解人類會相愛同不忠? 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-10-20 16:01:54

點解人類會相愛同不忠?

最近細So事件令唔少人又傾起不忠呢個話題,曾經有位人類學家Helen Fisher喺Ted講座解釋點解人類會相愛同不忠,我地可以從客觀嘅角度去睇下呢件事~ 

佢表示,人類從適應求偶同繁殖過程中,腦部會發展出三個系統,第一係要得到肉體上滿足,第二係享受到浪漫感覺,第三要感到依存感,即係對方喺身邊時會感到安全。一般愛情係會由第一系統慢慢走上去第三嘅,至於點解會不忠,係因為當你身邊伴侶去到第三階時,你可以同時對其他人產生第一同第二階嘅感覺。唔少人認為,男人係比較多出軌嘅動物,佢唔認同,仲講笑話,你覺得呢啲男人出軌嘅對象係邊個?

不過佢認為現代人類婚姻朝住穩定嘅方向發展,雖然離婚率比過往高,但數字趨向平穩,甚至下降中。近年婚姻邁向同儕方向發展,意思係我地希望從愛情中搵到伙伴關係,但與此同時,研究中發現超過八成人依然堅持要有浪漫愛情感覺,所以可以話現代婚姻感覺較平等。

講座中仲提到有趣一點,就係愛情同多巴胺有關,而刺激活動係可以提升多巴胺嘅。所以曾經有個男學生單戀另一位女學生時,佢趁住去北京工作,突登帶對方坐人力車。喺大街小巷穿梭時,女方好用力捉住對方手臀。過後,男仔以為有機,點知個女仔話:「人力車好好玩呀……同埋司機好靚仔呀!」哈哈,唔怪得知咁多男仔鍾意帶女仔睇鬼片!

作者: Kahlen Li (HK Romance Dating Ltd ) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇Speed Dating單身資訊: 選擇speed dating 場地三大忌
下一篇Speed Dating單身資訊: 4大日本餐廳用餐禮儀要注意