[愛情心理聊天室] 如何走出人生迷茫期

成日都聽到身邊人話想轉工，可想而知香港有好多人都討厭當下嘅生活。不過，喺香港生活壓力大，好多人30歲後都唔敢踏出呢一步，今次香港交友約會業總會心理治療師Ada以佢專業知識同個人經驗話俾大家聽可以點樣重整人生。

想轉行嘅朋友不外符兩類型，一種係人工低，知道而家嘅工作令佢上車無望，另一種係做緊自己完全討厭嘅嘢，無論你係邊種，Ada認為你知道自己唔適合呢份工都係好事。以佢自己為例，曾經從事廣告界11年嘅佢，當年到第5年已經知道自己好討厭呢一行，所以就半工讀心理學位，到咗今時今日，佢每一日都唔覺得自己番緊工，因為真係做得好開心。

唔少人覺得到咗30幾40歲先去轉行係太遲，但Ada話大家要記得自己將來仲要工作多30年，所以而家去改變一啲都唔遲，好多人一生人中都有兩個截然不同嘅事業。如果你已經知道自己興趣喺邊，不妨趁工餘時間做Freelance先試牛刀。又唔好覺得你過去嘅時間浪費咗，因為你當中學到嘅技巧，將來往往用得著。

另一個心理關口，係你要承受他人目光，Ada曾經有位喺職場打滾多年嘅女客人，身邊朋友非富則貴。佢到咗人生中段，見自己生活已無太大負擔，就辭職讀自己喜歡嘅藝術，當時唔少朋友都以為佢只係貪玩。不過Ada認為人生苦短，如果你真心喜歡一樣嘢，不妨放膽做，最緊要呢件事你認為係值得，有困難時再同人傾下吧。

如果你唔清楚自己鍾意咩但好想改變，Ada提議你不妨從兩個方向諗，第一你睇下自己性格係外向定內向，第二睇下自己鍾意文字還是數字多啲，繼而再結合以往讀過嘅專業，邊做邊學。

香港交友約會業總會心理治療師Ada黃沁而
‧ 心理治療師
‧ 心理學學士學位、輔導心理學碩士學位
‧ 香港大學持續進修學院兼職講師
‧ 更多資料、預約/報名: http://www.hkmdi.com/consultant.php?consultant_id=11

HK Romance Dating創辦人Yubi 黃嘉如
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk  / goldenmatching.com

 

文章來源: HKRD GROUP
goldenmatching.com / hkrd.com.hk / hkrdfashion.com/ daydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧

上一篇Speed Dating單身資訊: [愛情聊天室]貼地分析遠距離戀愛
下一篇Speed Dating單身資訊: [愛情心理聊天室] 男女再婚的勇氣