Kahlen 深情剖白: 想喺Speed Dating活動吸引人,其實唔難! | 香港交友約會業總會 Speed Dating Federation

Kahlen 深情剖白: 想喺Speed Dating活動吸引人,其實唔難! 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-09-14 15:52:25

Kahlen 深情剖白: 想喺Speed Dating活動吸引人,其實唔難!

每場Speed Dating活動都有十幾二十人參與,有啲參加者覺得對手太多,好難突圍而出。但要喺活動吸引人,其實真係唔難。活動參加者五花八門,我曾經見過受歡迎到全場異性都想同佢交換電話嘅客人,亦曾見過參加過好多活動依然無人問津嘅客人。究竟點解差別咁大?以下同你講解一下。

成為搞手後,我發現原來好多人唔係太重視基本社交技巧,而呢樣已經係佔你受歡迎與否嘅大部份因素。其實要令人有好感,真係好簡單,例如我地派名牌俾你或侍應幫你添水時講聲唔該,效果已經好唔同。雖然我地唔係你配對對象,但其實其他參加者都會將呢啲小動作看在眼內,對你評分。另外,同活動上任何人交談時,記得眼望對方同保持微笑,禮多人不怪係真嘅。

其次,主動一啲。我明白唔係個個天生外向,只係我地唔好下下都等人邀請先有反應。不論男女,我地都不妨主動講聲Hello先。另外交談時,唔好只答Yes/No,任何話題都講多幾句,而且都不忘問下對方問題,一來一回交談先有氣氛的。

最後,俾對方正面感覺。其實將參加Speed Dating當成見工,呢個心態係最理想,因為見工時你會諗盡方法留下好印象俾對方。例如,衣著方面你會日顯得斯文大方,甚或噴少少香水提升形象。另外注意要保持整潔,去現場前先整理好自己,唔好成頭汗成面油。總之,一舉一動保持大方,行步路都唔好頭耷耷,顯得自信已經唔錯。

當然我地無法指定令某個人對你有好感,但至少方向正確,你嘅機會增加。

 

作者: Kahlen Li (HK Romance Dating Ltd Matching Consultant) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇Speed Dating單身資訊: [名人愛情錄] 最重要互相遷就—張學友、羅美薇
下一篇Speed Dating單身資訊: Speed Dating 視像交友4大貼士