[名人愛情錄] 陳慧琳零緋聞原因

香港樂壇中，陳慧琳（Kelly）可以被稱為稀有動物，入行多年來零緋聞、負面新聞都接近零，男朋友（而家已經變為老公）咁耐都係同一人。Kelly話感情維持到咁多年，原因只有一個，就係專一。

1992年Kelly同老公劉建浩（Alex）於美國讀書時，喺一個朋友聚會中認識。兩個可謂門當戶對，都係出身富有家庭，拍拖時雙方父母關係都好好。原本Alex讀建築，比Kelly遲一年畢業，但Kelly為咗陪佢，專登修讀多幾個學分。直到前年錄音期間，監製雷頌德問Kelly有冇試過思念嘅感覺，Kelly都仲依然話話：「我一世人只係試過思念Alex一個人。」

雖然係咁，1999年兩人都試過短暫分開，當時Kelly事業如日方中，兩人聚少離多。不過半年後大家仲好掛住對方，加上雙方父母推波助瀾，所以兩人最後又再喺埋一齊。被問到點解喺娛樂圈咁多年都可以零緋聞，Kelly認為其實好簡單，只要唔好俾錯signal人就得。分手期間，Kelly受到一位男藝員追求，但覺得同對方生活喺兩個世界，所以即使男方不斷送花，佢都冇俾任何反應，免得人誤會。再加上每次收工後Kelly都即刻番屋企，唔跟大隊食宵夜，狗仔隊係冇可能捕捉到佢任何醜聞！

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: [名人愛情錄] 李安成功背後有個強悍老婆
下一篇Speed Dating單身資訊: 印度婚介讓你大開眼界！