創業大軍更加要有強健體魄

Hello 我叫Christy, 我工作係HK ROMANCE DATING LTD 嘅Speed Dating配對顧問， 每天都聽好多唔同人嘅故事。

而我雖然曾經拍攝過 VIUTV 關於離婚嘅節目，好多人都應該知道我是離婚人士，但當中仲有個故事我從未公開過，今次講吓點解我既故事會令我愛上運動。

開始接觸運動是在大約6年前，當時我婚姻出現問題，不懂解決， 每天晚上因為不想面對前夫，所以我放工大約晚上10點就出去慢跑和散步，直至晚上12點後，待他準備要睡了我才回家。

慢慢跑步進步了，夠氣了，我就定下目標當日要跑幾多K。剛由開始跑不到15分鐘，進步至跑到10k,我發現跑步爆汗可以令我放輕鬆，心情亦有好轉，能達到當日目標又好有成功感，繼而好多同事朋友見到我都話我fit咗好多，從而令我覺得我搵到一樣嘢令我從唔開心及好多煩惱圍繞我既生活裏面得到救贖，同時身形fit咗得到滿足感。

離婚後，開始了我人生第二個大轉變，我開始自己生活，要自己照顧自己，除了跑步，我想再學多些唔同類型既運動，例如試過做gym、空中瑜珈、泰拳、鋼管舞、最後接觸了TRX，並愛上了佢。因為玩TRX超級爆汗、效果理想又難度高，可以俾我不斷挑戰唔同動作，最後再定立目標要練馬甲線，所以有了目標我就有動力keep住做。

現在成果係好多人見到我Facebook /IG 既貼文都以為我係 Fitness trainer，但唔好意思，我真係office lady lol.。

其實每個人都有壓力，但生活都係要過，所以我會選擇接受及面對然後作出改變， 如何將壓力變成動力，藉口只會阻你前進。

例如我建議朋友或客人試吓做運動啦，但我只會聽到不同藉口，我放工好攰、又要 OT 收好夜、 我冇氣跑、隻腳又會痛、邊有時間做運動呀、放假都休息吓啦。

其實我收工回到家都晚上11點， 之前跑步令我膝頭都有痛 ，但我一樣會繼續做，因為運動已成為習慣，係我生活不可或缺的一環。

其實要改變習慣，真係好難，我好明白，所以唔好既習慣就要作出改變， 當然唔係一定要做運動才可以令你身心健康，其實還可以有很多方法，只係你肯唔肯踏出第一步去嘗試，唔再停留喺你既舒適圈而已

HK Romance Dating (HKRD)，由兩位前新聞主播創立，運用專業的司儀技巧提升speed dating活動的氣氛，並擔任單對單約會配對 matching顧問，助你透過single party、Table for Six 等交友約會活動結識異性，從龐大的會員數據庫中，選出你的perfect match。

 

作者: Christy ( HK Romance Dating Ltd Senior Matching Consultant ) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: Speed Dating公司點樣請人?
下一篇Speed Dating單身資訊: Kahlen心水好書推介—致戀愛經驗少嘅朋友