[配對顧問Kahlen之深情剖白: 點解要結婚？]

世事就係咁有趣，以前一直冇憧憬過結婚嘅本人，卻突然有一日閃婚了！雖然so far我只係結咗婚年零，都可以話俾大家知一啲我以前冇expect過嘅好處。

首先，個心定咗。唔係話以前就晚晚喜歡夜蒲，身邊人如車輪轉，但結婚後感覺人生其中最重要嘅一環處理咗，可以將心神專注於工作及興趣中，唔使再尋尋覓覓。記得結婚後大半年，有日我問老公結婚後有咩感覺，佢都話覺得鬆咗一口氣，因為佢當年有咗結婚念頭後，不斷date唔同女仔，話高峯期時每個weekend都見唔同人，實在非常之攰！雖然可能佢係氹我，但佢話我知當男人萌生結婚念頭後，都會十分之著急，好想settle down。

另外，開心嘅係擁有自己建立嘅家庭。雖然我原生家庭都不錯，但有自己嘅家庭後，個感覺係另一回事，有種「身邊有個人將會同你一齊變老」嘅感覺。每晚有咩開心或者唔順心，我同對方都會互相分享，有時傾到好夜都唔願瞓。有人同你分享生活中嘅點滴，個感覺平淡得黎又好sweet。

以前以為結婚後會失去自由，誰不知最後我享有更多自由（當下我地仲未有小朋友）。因為以前屋企連我有5個人，私人空間唔多，有時夜少少番屋企都怕嘈到成屋人。由於我同佢都唔會追蹤對方行蹤，只要唔係太夜番，我放工後有時會享受me time去靜靜地飲杯嘢，佢又會去公園散下步。

利申，個人認為單身絕非罪！唔好因為社會壓力為搵而搵，但若然你真係渴望一段感情或婚姻，心態要健康，切忌太心急，小心搵對象，話唔定有日你都好似我咁然間就遇到個可以結婚嘅對像，享受婚姻之樂。

作者: Kahlen Li (HK Romance Dating Ltd Matching Consultant) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 【配對故事討論：仙氣美女都單身，係真唔係啊…(下)】
下一篇Speed Dating單身資訊: 【高難度配對分享（上）】年薪300萬女強人，擇偶條件竟然係……