【配對故事討論：藝人搵另一半，難唔難配? (上)】

有次網站收到一位自稱Artist嘅男士報名，我滿心期待，究竟佢係邊個呢?

終於到見面當日，原來Andrew(化名)係某電視台嘅足球評述員兼演員，大約180cm高，外表、背景都唔錯，佢身邊都好多靚女藝人，點解會搵唔到呢? 原來佢除咗做藝人，仲喺深圳開咗間Marketing公司，本身佢有個圈內女友，但女友因同拍劇嘅對手戲假情真，佢同個女仔又聚少離多，所以個女仔要求同佢分手。

事業頗得意嘅佢，愛情上受挫，分手2個月期間，佢出席大小應酬，試圖喺自己嘅圈子再識對象，但佢覺得好攰，佢覺得朋友的確係識多咗，但全部都係嘻嘻哈哈，唔知邊個真心。32歲嘅佢都好想快啲組織家庭，所以經朋友介紹之下搵我哋幫手。

同其他藝人顧客嘅情況相同，Andrew 同樣係好受歡迎，但同樣非常小心，寧缺勿濫，所以啲藝人通常開頭一個月唔約會住，揀清揀楚先至約會。點解要咁小心? 因為佢哋認為工作喺娛樂圈已見過好多人，好知道自己想要乜，再加上私隱問題，佢哋唔想自己嘅profile俾太多人睇到。

Andrew set 咗幾項must遵守嘅擇偶要求，就係身高超過170、30至32歲、從事固定文職工作、有氣質、斯文好脾氣。你估佢最後搵唔搵到?

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com


#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 王子只會配公主，自我Upgrade 你都可以
下一篇Speed Dating單身資訊: 【配對故事討論：藝人搵另一半，難唔難配? (下)】