全港所有speed dating活動暫停 交友約會業總會: 須政府支援基金

受到疫情影響，各行各業難免會受到衝擊，交友配對業也是其中一份子，近日香港交友約會業總會主席Yubi受訪，向青年創業軍網透露業界情況。

 

眾所周知，限聚令下餐廳生意大受打擊，但大家沒留意到交友配對業其實也受牽連，「疫情之下，政府嘅限聚令，使到我哋所有嘅speed dating活動都需要暫停， 喺收入上有一定衝擊，生意額方面較疫情之前下跌咗兩至三成。 」

 

她表示全行面對相同處境，無一幸免，「全港所有speed dating公司嘅活動都已經暫停， 冇公司能夠舉辦實體活動。警方亦都向我哋交友約會公司發出訊息， 解釋限聚令嘅涵蓋範圍，係包括交友約會嘅實體活動。所以對業界呢講，會帶嚟唔少嘅打擊。」

 

不過Yubi寧願於停辦活動期間，改善服務質素，以求提升單對單約會服務，也不願將損失轉移於員工身上，「香港婚活有限公司並沒有因為疫情， 而要同事凍薪，或者解僱員工。反而我哋加強咗內部培訓， 提升同事喺溝通以及輔導方面嘅表現 ，期望能幫到更加多嘅單身男女搵到另一半。」

 

本地配對交友業規模相對其他行業小，Yubi希望大家能攜手合作，爭取補貼，「現時，交友約會業並不包含在政府嘅防疫基金範圍之內，期待政府能夠將交友約會業列入受助行業， 使我哋業界能夠共同渡過呢個艱難時期。」


#The HK Federation of Matchmaking and Speed Dating Industry  #dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating消息: 新冠肺炎引發焦慮?
下一篇Speed Dating消息: 想加入交友約會業? 現在有機會了!