[愛情心理聊天室] 夫妻相處之道 | 香港交友約會業總會 Speed Dating Federation

[愛情心理聊天室] 夫妻相處之道 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-10-07 16:18:45

[愛情心理聊天室] 夫妻相處之道

拍拖同結婚好唔同,拍拖相處唔到我地可以分手,但係結咗婚大家有問題,好難話離婚就離婚,所以今日香港交友約會業總會心理治療師Ada會教大家點樣處理婚姻問題。

香港離婚率高, Ada發現佢嘅客人當中,有婚姻問題嘅通常係因為欠缺溝通,曾經有對夫婦有成三年冇野講。佢認為欠缺溝通比鬧交更差,因為嘈交期間你可以表達你嘅不滿同所需,如果連基本溝通都冇可以話係連朋友感情都冇。


佢見咁多嘅客人當中,通常都係有一方特別唔聽人講,接收唔到對方訊息,而另一方就覺得好疲累會,會由小事引發到好大件事。曾經佢遇到一個客人,先生因為擔心會被裁員,所以好努力工作,每晚返到屋企攰到唔講嘢,太太好擔心,以為對方唔再愛佢。後來丈夫壓力再增加,出現焦慮症病徵,經評估後發現會嚴重影響佢哋夫妻關係,佢哋就開始正視問題。另外,如有嚴重夫妻問題,其中一個特徵就係大家失去性生活,大家要留意一下。

 因為土地問題,好多夫婦會同爸爸媽媽住,假設太太同奶奶有爭執, Ada建議丈夫要盡量做調停角色,撐太太,唔好影響夫婦之間嘅關係。 Ada提醒大家,你唔係對方肚裏面條蟲,一定要清楚表達意見。另外兩人最好培養一啲共同興趣,每個星期抽一日半日行街去維持感情。如果大家乜嘢都願意分享,呢段關係先至係最健康。唔好忘記大家嘅初心,大家去用愛去建立家庭,唔開心嘅時候大家就回想一下你哋最愛彼此嘅時刻。

香港交友約會業總會心理治療師Ada黃沁而
‧ 心理治療師
‧ 心理學學士學位、輔導心理學碩士學位
‧ 香港大學持續進修學院兼職講師
‧ 更多資料、預約/報名: http://www.hkmdi.com/consultant.php?consultant_id=11

HK Romance Dating創辦人Yubi 黃嘉如
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  goldenmatching.com

 

文章來源: HKRD GROUP
goldenmatching.com / hkrd.com.hk / hkrdfashion.comdaydaygodating.com 

#speeddating #matching #dating #交友app #單對單約會 #戀愛 #hkrd #暗戀 #hkmdi #拍拖 #love #hkrd #hkromancedating #hkmdi #男女朋友 #交友約會 #約會技巧



上一篇Speed Dating單身資訊: [愛情聊天室] 交友APP個案分享
下一篇Speed Dating單身資訊: [愛情聊天室] 離婚後的天空