[名人愛情錄] 最重要互相遷就—張學友、羅美薇

Google番啲舊相，不禁令人讚嘆80、90年代嘅女星個個靚得黎又有特色，其中一位係張學友太太羅美薇。今時今日，大部份人對羅美薇印象比較模糊，但其實最初拍拖嘅時候，羅美薇係比張學友更紅架。幾十年過去，途中雖然經歷過唔少風雨，但兩位都喺唔同崗位互相幫助對方。

1986年拍電影《痴心的我》時，導演叫張學友同羅美薇企埋一齊，睇下夠唔夠登對。然後導演又叫佢地互望一眼，對望時二人立即面紅，羅美薇之後坦白話：「從嗰刻有觸電感覺開始，我就知道我地會一齊。」不得不提，羅美薇當年係替角，所以真係緣來沒發擋呢～

後來羅美薇退出娛樂圈，背後默默幫助老公搵錢，據報道佢理財好叻，一直手握張家財政大權。羅美薇有錢就買樓，由90年代至今已經買賣咗唔少物業，幾乎有賺無蝕，而且手上至少有五個市值逾4億港元嘅物業收租。呢件事真係幫到張學友唔少，可以無後顧之憂地做喜歡嘅工作。

另一方面，張學友都好錫羅美薇。羅美薇據說有嘮叨毛病，原因係失去咗一部份記憶力。

當年拍戲時佢頭撞過車，照咗兩次腦部斷層掃描，記憶力嚴重衰退。對於羅美薇嘅嘮叨，張學友表示早已經習慣：「她當我係個錄音機，每次重複講同一樣嘢。」另外羅美薇對好多事情有要求，定下唔少規條要屋企人遵守，張學友坦白期間都有過離婚念頭，但後來放棄咗：「夫妻相處之道，最重要係俾對方空間做自己喜歡嘅事情。」

不論情侶或夫妻，感情總會有高有低嘅，最重要都係你就下我，我就下你，再喺各自崗位扶持，感情先可以持久的～
 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 限聚令加辣 約會業堅守社交距離
下一篇Speed Dating單身資訊: Kahlen 深情剖白: 想喺Speed Dating活動吸引人，其實唔難!