唔想再單身? 做啱呢4招，脫單話咁易！

有啲人成日話好難搵到對象，想脫單不單止得個「諗」字，仲要主動去追求。想脫單成功？做好下面4件事就有機會！

1.透露想拍拖既意願
想脫單，盡可能表達你想拍拖既意願，當然有人問你係咪單身時，都可以大方回覆，因為對方或身邊人都會幫你物色人選或介紹合適既交友約會公司，多一個人幫你留意，總好過所有野都自己嚟。

2.參加活動擴大社交圈
有啲人圈子比較細，好難有機會去認識到其他人。所以如果有時間既話，盡量參加聚會或者係自己有興趣既活動，例如Speed Dating 活動、興趣班或講座，都係能夠識新朋友既方法，亦都增加遇到有相同興趣及背景既對象機會。

3.勇敢把握每一次機會
如果喺Speed Dating 活動上遇到唔錯既對象，可能你會有一刻諗法「搭訕被拒絕好瘀喎!」。其實每個人一生中能遇到心動感覺並唔係有好多機會，所以千祈唔好潑熄自己既愛火，建議都大方同對方傾計了解大家，勇敢把握每一次心動既機會。

4.唔好忽略身邊可能對象
有好多人會話自己條件唔好，冇人會鍾意自己，其實你身邊有好多潛在追求者或合適既對象。每個人都希望追求一見鍾情既浪漫情節，憑感覺搵對象，但就忽略咗揀你既人或身邊對象，可能你暫時對佢冇乜好感，但相處耐咗，彼此了解，最後你會發現真愛原來一直喺你身邊。

 

作者: 黃嘉如 Yubi Wong ( HK Romance Dating Ltd Director ) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

上一篇Speed Dating單身資訊: 疫情與伴侶被迫宅在家，易爆感情危機?
下一篇Speed Dating單身資訊: 男人唔一定愛靚女，3個小貼士令佢戀上你！