[名人愛情錄] 相信愛情的林志玲 | 香港交友約會業總會 The HK Federation of Matchmaking and Speed Dating Industry

[名人愛情錄] 相信愛情的林志玲 香港交友約會業總會 Hong Kong Speed Dating Federation - 一對一約會, 單對單約會, 約會行業, 約會配對

 

2020-07-18 13:08:19

[名人愛情錄] 相信愛情的林志玲

記得前幾年經過一牌廣告牌,身邊男士突然慨嘆一句:「世事真係難料,好似林志玲咁靚嘅女仔,竟然咁多年嚟都單身。」大家一直好奇林志玲幾時先會有著落,誰不知最後極速嫁俾細佢7年嘅日本男星AKIRA。

正所謂皇帝唔急太監急,隨住林志玲年紀漸長,當年身邊朋友傳媒都成日追問佢恨唔恨嫁。林志玲雖然憧憬婚姻,但始終認為唔可以為結而結,一定要遇到個喜歡嘅人先會考慮結婚。呢個觀點得到唔少人欣賞,因為唔少名模最後都係嫁俾富豪,但佢依然相信愛情。 

因為演出舞台劇《赤壁˙愛》,林志玲認識咗AKIRA,AKIRA對佢一見鍾情,覺得佢漂亮又有氣質,而且非常溫柔。不過因為各有各忙,八年以來大家只係維持朋友關係。不過有緣嘅始終有緣,後來有日,林志玲嫲嫲過世,林志玲當晚第一時間諗起AKIRA,打俾佢一直喊,喊喊下瞓著咗,第二日醒番時迷迷糊糊講咗聲Hello,誰不知對方即刻回應:「I am here. 」然後佢地就開始喇。

曾經有好事之徒攻擊二人感情,認為姊弟戀唔會有好結果,又認為女方事業比男方強。不過佢地感情非常簡單,就係認為大家一齊快樂就可以一齊了,唔理任何閒言閒語。事實上,AKIRA外表都非常出眾,陽光又陽剛,而且事事照顧林志玲,係位暖男。大家一直擔心林志玲遇唔到好歸宿,但其實如果你一直做好自己,最終都會遇到適合你嘅伴侶。

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇: 3間約會CHILL爆酒吧推介 (九龍篇)
下一篇: [名人愛情錄] 方健儀戀上Camman 老公