[名人愛情錄] 離過婚又點喎! 5大再婚女星 再覓真愛 | 香港交友約會業總會 Speed Dating Federation

[名人愛情錄] 離過婚又點喎! 5大再婚女星 再覓真愛 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-07-18 12:08:33

[名人愛情錄] 離過婚又點喎! 5大再婚女星 再覓真愛

離過婚又點喎! 又一樣可以重新上路,搵到真愛。其實娛圈中,都有幾位女星,離婚後,再向更美好的婚姻出發。

陳法拉

2007年時,事業衝天飛,當時承認與「Neway大少」薛世恒拍拖,一年後結婚。但係男方一直傳出緋聞,令法拉無奈要結束7年婚姻。離婚後,一個人去到美國修讀戲劇,畢業後受到荷里活公司賞識,簽約拍戲,仲可以拍攝HBO新劇,可以話有機會成為國際巨星。另外,佢舊年宣布與法籍男友Emmanuel Straschnov喺法國結婚,38歲既陳法拉再覓真愛。而前夫薛世恒亦都俾真誠既祝福。

 

梁靖琪

梁靖琪喺2011年高調同富商黃敏豪結婚後,婚姻只維持半年後就決定離婚,佢決定重新出發,開咗屬於自己既運動品牌,亦都遇到比她細8年既Jonathan,亦都喺舊年宣布再婚兼陀B,真係好幸福啊。

 

樂基兒

2007年曾經同四大天王黎明喺美國拉斯維加斯秘密結婚,但係因為兩人性格南轅北轍,一個鍾意低調,一個好外向經常男伴左右,結果難以磨合下,喺4年後離婚。2017年,樂基兒同拍拖2年既男友Ian結婚,最重要係搵到個同自己意見一致既人一齊,佢早前仲生咗BB,戒咗夜蒲既習慣,享受做媽媽既生活。

 

鍾麗緹

鍾麗緹經歷過兩次離婚,同第一任丈夫生咗一個女,又同第二任生咗兩個女,雖然兩次婚姻失敗收場。直到2015年,鍾麗緹因參加內地真人SHOW節目《如果愛》時,同內地演員張倫碩合作擦出愛火。之後一年男方向鍾麗緹求婚,結婚後,幾個女都跟佢姓張。

 

黃婉佩(2R)

2R黃婉佩Race 喺2004年被爆同新加坡華裔富商陳靖諧秘密結婚,但喺 2009年離婚,離婚後Race同向佐拍拖,拍得好Sweet,但最終都係分手收場。直到2016年,34歲既Race宣布再嫁比佢大19年既新加坡富商David Loh ,之後喺2017年5月尾Race生咗一個女女,而家一家人過得好幸福。

 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love

 



上一篇Speed Dating單身資訊: [名人愛情錄] 平淡是福—發哥發嫂sweet足幾十年
下一篇Speed Dating單身資訊: Speed Dating活動經營