港日戀人拍拖4大唔慣現象大解構 | 香港交友約會業總會 The HK Federation of Matchmaking and Speed Dating Industry

港日戀人拍拖4大唔慣現象大解構 香港交友約會業總會 Hong Kong Speed Dating Federation - 一對一約會, 單對單約會, 約會行業, 約會配對

 

2020-07-18 12:04:01

港日戀人拍拖4大唔慣現象大解構

在香港擁有一異國情緣其實不難,始終香港都是一個國際大都會,如果講到同外國人的情緣,小編作為過來人可以分享港日情緣。好多人話日本人時時刻刻要講禮節,的確日本人從小到大接受家庭禮節教育,每時每刻都好注重生活上的禮儀同細節,例如食飯前會同對方講「いただきます」、唔小心撞到人都會係咁講「唔好意思」、「對唔住等」,日本人俾港人感覺斯文又窩心,小編非常欣賞佢哋文化。不過當你真真實實同日本人拍拖,又會係另一回時,你會發現兩地人拍拖既文化有好多差異,同香港人拍拖係好唔一樣。

小編綜合自己同其他港日情緣既comments得4大香港人最唔慣既文化差異。

1.      唔係經常或即時回覆你既短訊

同日本人交往時,訊息回復速度慢幾乎係通病,因為對方都有工作、休息、吃飯等等時間,未必有時間覆,而且對方亦會擔心打擾你個人時間,所以交往期間對方未必會到時到刻或即時應你機,唔應機亦唔代表對方唔著緊你,始終每個人都有個人既生活空間。反之,如果係一直傳訊息俾對方,要對方快啲覆,可能會影響雙方既感情。

 

2.      情侶出街買野食飯多奉行AA制

日本年輕男女流行「AA制」,唔單止同學之間、同事之間,就連戀人之間約會時,都好少要對方請食飯。而家既日本男女多數都係持「互不相欠」或「公平」既原則戀愛。食飯邊個俾錢,每個國家都有唔同習慣,無可厚非,只要約會雙方心甘情願其實已經好足夠。

 

3.      唔習慣認識對方朋友

日本同香港唔同,一拍拖就會帶對方俾朋友認識,如果你咁樣做,可能為令對方做成壓力。日本人大多唔會過於干涉對方既朋友圈子,就算認識對方朋友,可能都會係點頭之交嗰類。不過日本男友或女友願意將佢既朋友介紹俾你,咁就代表佢係認定咗你哋雙方關係,想要好好發展,先至會將自己重要既好友介紹俾你哦!

 

4.      拍拖唔係日日見

同日本人拍拖,通常每星期會見一至兩次面,始終日本人都要時間去陪同事、家人同朋友。另外,年輕一輩既日本人好注重「自己既空間」,有時都希望有多啲屬於自己既時間,同埋佢哋覺得唔係經常見,唔會對感情產生「膩」既感覺。

香港巴打絲打,想要維持港日戀情,當然就必須了解對方文化,有一方先做改變、去適應!又或者喺雙方溝通下去搵到一個解決辦法。

 

作者: Winson (HK Romance Dating Ltd Marketing Manager) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇: HKRD會員分析: 3字頭單身者回到愛情初心成功率極高
下一篇: 炎炎夏日 4大室內拍拖好去處