【配對故事討論:3次離婚男覓初戀女會員】 | 香港交友約會業總會 HK Speed Dating Industry Federation

【配對故事討論:3次離婚男覓初戀女會員】 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-06-26 16:51:54

【配對故事討論:3次離婚男覓初戀女會員】

Alan(化名)今年47歲,係一名離過三次婚嘅男士。佢參加咗單對單約會之後,其實都如我所料,女仔應約方面,面對佢過去嘅故事,真係未必每個女仔都能夠接受到。喺佢提出邀約嘅多位女仔當中,有唔少都拒絕咗佢嘅邀約。

我地好努力為Alan做配對,同時我也明白到每個人都有自己過去嘅故事,我哋唔係要搵一個默默忍受你過去嘅對象,而係要搵一個明白諒解自己嘅對象,去共度餘生。

Alan見到第二個女仔,佢就遇到Jessica。Jessica今年41歲,自細讀女校,家教好嚴。唔知大家信唔信呢?佢41歲女,從來冇正正式式拍過拖。 唔係佢性格上面有啲咩缺憾,而係家教好嚴,父母從小對佢嘅要求都好高。佢一直努力自己嘅學業同事業,眨下眼就嚟到四字頭,爸爸媽媽開始緊張佢嘅終身大事,Jessica就毫不猶豫就嚟咗hkrd搵我哋幫手。

講返佢點解會應約Alan先,佢從Alan過去嘅故事裏面,佢感受到嘅係,對方係一位願意一直付出愛嘅男士,奈何未遇到一位珍惜佢所付出嘅對象。同時也認為Alan仲要用幾年嘅時間,去等前妻返轉頭,只係呢一點,佢已經睇得出Alan嘅耐心,其實係好善良同温暖。

喺我哋嘅安排之下,佢哋兩個順利見面。也都一如我哋所料,佢哋都被對方深深吸引。

本身仲擔心緊家教好嚴嘅Jessica父母,會反對呢段感情。相反,當佢嘅父母見過、了解過Alan之後,都對佢哋呢段感情投以最深厚嘅祝福。嚟緊佢哋兩個即將結婚啦。 我哋HKRD深深祝福佢哋永結同心、甜蜜幸福。


作者: 黃嘉如 Yubi Wong ( HK Romance Dating Ltd Director ) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇Speed Dating單身資訊: 【配對故事討論:3次離婚男,能再覓愛? (上)】
下一篇Speed Dating單身資訊: 【配對故事討論:宅女能遇上王子嗎? (上)】