[名人愛情錄] 結婚跨越生死 患難見真情 | 香港交友約會業總會 HK Speed Dating Industry Federation

[名人愛情錄] 結婚跨越生死 患難見真情 香港交友約會業總會 Hong Kong Speed Dating Federation - Speed Dating , 一對一約會, 單對單約會, 約會行業, 約會配對

 

2020-06-26 15:36:46

[名人愛情錄] 結婚跨越生死 患難見真情

杜汶澤同田蕊妮喺1999年喺亞視時開始拍拖,直到2005年結婚,一直以嚟兩人經歷多個感情危機同埋阿澤患病,患難見真情。

93年田蕊妮喺亞視節目「末來偶像爭霸戰」獲金獎入行,之後遇到杜汶澤,當時阿澤因賭錢輸咗要走佬去台灣,之後返嚟香港發展,入咗亞視做藝員。阿澤話:「諗住亞視少人睇,況且冇諗過自己可以紅,點知拍咗《我和殭屍有個約會》多咗人留意,畀貴利佬打去報館追數。」

人紅自然貴利搵到佢追債,當時阿田已認識阿澤,仍多次借錢畀阿澤還錢,佢認為應急係必需的!結果兩人就撻著咗。

田蕊妮初初覺得阿澤成日嬉皮笑臉,又將求婚掛喺嘴邊,總之無時無刻都話要求錉,所以阿田冇放喺心上,佢到咗27歲,覺得女人30歲結婚最適當,亦都冇特別理杜汶澤既求婚,但直至第31次求婚…杜汶澤去斯里蘭卡探訪災民,令佢改變了人生觀。探訪期間,由於有報道指當地會再有餘震,令田蕊妮好擔心,擔心他一去不返,田蕊妮就好後悔以前佢求婚多次都不答應。正因為呢場災難,令兩人結束6年愛情長跑,攜手步入教堂。

婚後,兩人既係恩愛夫妻亦係知心好友,杜汶澤曾兩度破產,田蕊妮一直默默陪伴其身旁,未曾離棄。阿田覺得一段感情確實需要彼此之間維繫,互相支持。阿澤曾經想阿田做少奶奶,但阿田想開創自己事業,於是加入無線,一劇接一劇,仲成為視后添!

當大家忙於工作之際,竟然面對小三來襲!阿田曾憑喺阿澤發現小三存在!當時阿田有同佢嘈。後來佢冷靜自己,明白到娛樂圈係有好多誘惑,加上知道自己仍然好愛對方,眼見阿澤事業急轉直下,於是留低,原諒咗佢。

杜汶澤喺40歲時被診斷出患上了一種罕見的米勒費雪症候群,嚴重的話會導致四肢癱瘓、甚至窒息致死。田蕊妮知道後如心急如焚,返到香港之後,日日夜夜在醫院照顧杜汶澤。杜汶澤亦曾公開表示:「以前誤會以為成功就會得到女人,但原來得到一個好的女人就等於成功。」經過一輪休養,阿澤身體已康復,而家佢仲不時到健身房操肌!

阿澤同阿田既愛真係叫做患難見真情。
 

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇Speed Dating單身資訊: [名人愛情錄] 「女主外、男主內」 風雨相陪70載
下一篇Speed Dating單身資訊: [名人愛情錄] 成就高低與否 身邊有你最重要