王子只會配公主,自我Upgrade 你都可以 | 香港交友約會業總會 The HK Federation of Matchmaking and Speed Dating Industry

王子只會配公主,自我Upgrade 你都可以 香港交友約會業總會 Hong Kong Speed Dating Federation - 一對一約會, 單對單約會, 約會行業, 約會配對

 

2020-06-26 13:33:33

王子只會配公主,自我Upgrade 你都可以

家覺得徐子淇嫁李家誠好正常,因為徐子淇靚女、有學識又係model;覺得梁朝偉同劉嘉玲結婚都好正常,因為兩位都係外貌出眾嘅大明星。

以上兩個例子證明咗乜嘢?就係如果想同咁嘅質素人一齊,自己本身嘅條件都要有咁上下條件。咁如果我輸在起跑線,咁係咪代表我呢世都識唔到好對象?又唔係! 我有信心,只要你有心自我提升,不出2年,你肯定都可以去到果個level。

最簡單,背景好嘅人好多有留學經驗,語言能力高,見識比較多。如果知道自己連睇英文餐牌都感到吃力嘅話,又或者英文水平只應付到工作所需,呢個時候,你唔使諗咁多,第一時間報一個英語課程,狂操英文。通常呢類成人英語學校開足7日,有大量駐場嘅外國老師,多講多聽,不出幾個月都可以有明顯進步。 另外為咗增加自己嘅見識,得閒去下旅行(就算喺睇旅遊節目都好), 留意多啲潮流資訊,留意多啲時事,學下餐桌禮儀,提升品味、修養同學識, 除咗有利於你認識條件更好嘅對象, 對你將來 亦百利無而無一害。

內涵解決了,外表問題更易搞。呢個世界冇嘢易得過管好自己嘅嘴巴。如果你太肥,就食少啲;太瘦就食多啲。 無論乜嘢體型都要做運動, 身型靚,著咩衫都靚。 所以身高唔係最重要,身材先係重點。 易地而處,我哋揀對象時,第一樣都係睇眼緣,所以每個人都是公平的噢。
 
有啲單身人士如果諗唔通以上兩個要點 , 而又 aim at 佢哋所指嘅「高質素異性」
(本人極度抗拒以質素去衡量一個人嘅價值 ),呢類人 好多時只會落得滿口埋怨,覺得自己 不被欣賞。

要釐清大家嘅概念,我地其實就好似一個condensed pool,聚集咗各類型單身男女,當中有質素好到大家唔信嘅客人,當然亦都有相對較普通嘅客人。最尾你識到咩對象,都要睇番你自身條件,若然你係A級質素,自然會吸引到A級客人。先舉一個血淋淋例子,44歲嘅Tom(化名),外表打扮比真實年齡成熟,個子唔高,月入3萬左右,條件唔算差,亦有唔少女士想認識佢。不過,佢嘅審美要求好高,揀親嘅都係B+以上美女。但你揀人人揀你,美女們要求自然高,希望認識外表收入較吸引男士…… 
同樣情況都出現於女士當中,但當中都有態度正面嘅客人。例如36歲幼稚園老師Doris,佢從未拍過拖,佢參加我地服務時,一時都接受唔到要改變自己去迎合男士。不過當我地講咗一個例子,佢就好快開竅:「見工時你會化妝,點解?因為你想俾人一個好嘅第一印象。既然一份工陪唔到你一世,搵老公係咪更加要努力?」之後佢就好積極上我地免費護膚同化妝班,亦接受咗我地好多意見,變得愈黎愈自信。而且佢本身擇偶又唔著重物質,只看重性格,所以都吸引到好幾位男會員追求~

總括黎講,大家可以努力向上,唔使因為被拒絕而失望,若然一間speed dating公司俾十個頂級profiles俾你睇,十位都應約的話,反而你要小心呢間公司好可能係做媒。每一次大家喺我地度遭受拒絕,正好有一個機會重新審視一下自己條件同擇偶要求,同時亦可以睇下自己有咩可以改善。

作者: 張惠萍 Anita Cheung (HK Romance Dating Ltd 董事) www.hkrd.com.hk / goldenmatching.com

#The HK Federation of Matchmaking and Speed Dating Industry ​#dating #matching #單對單約會 #HKMDI #一對一約會 #交友約會配對 #交友APP #Love



上一篇: 食完充滿幸福既Pancakes
下一篇: 3大夏日人煙稀少拍拖勝地 (港島篇)