【名人愛情錄】5對結束愛情長跑既明星夫婦❤️

最近又一對藝人蘇玉華同潘燦良結束24年既愛情長跑。事實上，喺娛樂圈工作，不定時工作、引誘多、成日受到傳媒關注等，都會令藝人要維繫一段感情比一般人困難。不過娛圈其實都有唔少明星走過慢長既愛情長跑，最終修成正果，以下5對夫婦就係人版。

梁朝偉及劉嘉玲 長跑年數: 20年
1989年劉嘉玲同梁朝偉公開戀情，2008年喺不丹結婚後，仍然活躍於娛樂圈、電影圈，工作同感情都好穩定，兩人婚後都冇傳其他緋聞。二人結婚既原因係希望雙方既母親健在時，可以睇到雙方都有好歸宿。

古巨基及陳英雪 長跑年數: 20年
古巨基及陳英雪因工作而日久生情，而且Lorraine係古仔入行後唯一女朋友。古仔90年代簽約唱片公司時，認識負責宣傳既Lorraine。Lorraine一直係基仔既助手，佢哋喺2014年結婚，結束20年既愛情長跑。Lorraine本身家景唔錯，但都願意默默守候古仔，難怪深得古巨基既疼愛。

劉德華及朱麗倩 長跑年數: 20年
劉德華及朱麗倩喺1986年相識後訂下情緣，一直都未有承認戀情。直至2011年，劉德華終於向外公佈妻子懷孕。經歷20幾年既秘密戀愛，兩人終於承認關係，修成正果，朱麗倩更為華仔誕下一女。

張家輝及關詠荷 長跑年數: 11年
1992年因拍攝《龍在江湖（李小龍傳）》而認識之後拍拖，雖然喺95年至96年期間曾短暫分手，期後復合。2003年喺澳洲結婚，走過11年既愛情長跑。當年關詠荷大紅大紫，張家輝冇太大知名度，多得關詠荷既鼓勵：「你而家唔得啫，有邊個擔保你將來唔得啫？」張家輝最終憑實力獲得影帝地位。

任賢齊及陳則妤 長跑年數: 20年
任賢齊跟圈外女友Tina喺2002年正式結婚，走過20年既愛情長跑。陳則妤係任賢齊大學學妹，比佢細3歲，佢哋自大學時就相戀，小齊好好一直都冇乜緋聞。結婚後兩人仲生埋小朋友，分別喺2005年及2008年誕下一女一子，家庭幸福美滿。

#香港交友約會業總會 #香港婚活 #單身男女 #HKRD #HKMDI #HK Romance Dating #Speed Dating #matching

作者: 張惠萍、黃嘉如 (HK Romance Dating Ltd創辦人) www.hkrd.com.hk / goldenmatching.com

上一篇Speed Dating單身資訊: 【名人愛情錄】結束24年愛情長跑 依然恩愛如昔
下一篇Speed Dating單身資訊: 「限聚令」延長再延長 情侶會否應疫情減少見面?